Charter Document - 07412009
| Charter Number: | 07412009 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 - 1292 |
| Date type: | Assigned |
| Resource Link(s): |
People of Medieval Scotland |
Charter:
Omnibus ad quos littere iste pervenerint Malisius comes de Stratheryn salutem Sciant tam presentes quam futuri me dedisse concessisse et hac carta mea confirmasse Willelmo de Moravia filio domini Malcolmi de Moravia totas terras meas de Dundovan et de Pethuer per omnes rectas divisas suas cum omnibus justis pertinentiis suis in bosco et plano in pratis et pascuis in moris et mariscis in stagnis et aquis in piscariis et molendinis in petariis et omnibus aliis aysiamentis ad predictas terras juste pertinentibus pro homagio et servicio suo Tenendas sibi et heredibus suis de me et heredibus meis in feodo et hereditate libere et quiete plenaria et honorifice sicut liberius quietius plenarius honorificentius aliquis comes in toto regno Scotie dare vel concedere potest Solvendo inde annuatim mihi et heredibus meis a se et heredibus suis quatuor marcas argenti ad duos anni terminos videlicet duas marcas ad pentecosten et duas marcas ad festum Sancti Martini in hyeme pro omni exactione seculari salvo forinseco servicio domini Regis quantum ad dictas terras pertinet et salva secta curie mee Ego vero Malisius comes de Stratheren et heredes mei dictas terras ut suprascriptum est dicto Willelmo de Moravia et heredibus suis contra omnes homines et feminas warantizabimus acquietabimus et defendemus inperpetuum In cujus rei testimonium sigillum meum presentibus litteris est appositum Hiis testibus domino Hugone priore de Insula missarum domino Nicholao rectore ecclesie de Cres domino Eugenio rectore ecclesie de Kyndrumyn Duncano filio Fergus Malcolmo de Glendochred et multis aliis