Charter Document - 07412008
| Charter Number: | 07412008 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1275 - 1291 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Johannes de Moravia filius domini Malcolmi de Moravia salutem eternam in Domino Noverit universitas vestra me dedisse concessisse et hac presenti carta mea confirmasse domino Willelmo de Moravia fratri meo pro homagio et seruicio suo totas terras meas de Culnacloyth et de Ruthtrelen in Strathbolgy quas teneo de domino Willelmo Comite Suthirlandie per rectas divisas suas cum omnibus justis pertinenciis suis libertatibus et aysiamentis ad dictas terras spectantibus vel aliquo tempore spectare valentibus Tenendas et habendas dicto domino Willelmo de Moravia et heredibus suis de me et heredibus meis in feodo et hereditate libere quiete pacifice et honorifice in bosco et plano in pratis et pascuis in viis et semitis in moris et mariscis in aquis et piscariis in feris et avibus in stagnis et molendinis Reddendo inde ipse et heredes sui vel assignati mihi et heredibus meis vnum par chyrotecarum et vnum denarium ad pascha et faciendo forinsecum seruicium Scoticanum domini Regis quantum pertinet ad dictas terras Volo etiam et concedo ut dictus dominus Willelmus de Moravia et heredes sui vel assignati quieti sint ab omnimodis sectis curiarum ad me et heredes meos pertinentibus Et si assignati dicti domini Willelmi fratris mei non habeant saisinam in dictas terras de Culnacloyth et Ruthtrelen ante mortem dicti domini Willelmi de Moravia volo quod non sit prejudicium dictis assignatis qui habeant et teneant predictas terras de me et heredibus meis sicut in plenarium saisinam ante decessum dicti domini Willelmi prefuissent sine aliqua contradictione vel impedimento mei vel heredum meorum Ego vero Johannes et heredes mei omnes predictas terras ut prescriptum est predicto domino Willelmo et heredibus suis vel assignatis contra omnes homines et feminas inperpetuum warandizabimus acquietabimus et defendemus In cuius rei testimonium presenti scripto sigillum meum apposui Hiis testibus domino Willelmo comite de Ros domino Willelmo comite Suthirlandie Johanne de Strivelyn et domino Willelmo de Dolays militibus domno Willelmo priore de Hurchard domino Symone priore de Pluschardy Adam de Moravia Willelmo de Lectona et multis aliis