Charter Document - 07412007

Omnibus hoc scriptum visuris vel audituris Malcolmus de Moravia miles eternam in Domino salutem Noverit universitas vestra me dedisse concessisse et hac presenti carta mea confirmasse Willelmo de Moravia filio meo totam terram meam de Lamabride pro homagio et seruicio suo cum omnibus justis pertinenciis suis Tenendam et habendam sibi et heredibus suis de me et heredibus meis in feodo et hereditate libere quiete plenaria et honorifice in bosco et plano in pratis et pascuis in moris et mariscis in stagnis et molendinis viis et semitis feris et avibus in aquis et piscariis et in omnibus aliis aisiamentis et libertatibus ad dictam terram pertinentibus vel aliquo tempore pertinere valentibus adeo libere et quiete sicut ego dictam terram de domino Rege teneo vel possideo Reddendo inde annuatim ipse et here des sui mihi et heredibus meis vnum par chirothecarum albarum vel vnum denarium ad Pentecosten pro omni seruicio seculari exactione et demanda faciendo domino regi dimidium seruicium vnius militis et forinsecum Scoticanum quantum ad dictam terram pertinet Volo etiam et concedo vt dictus Willelmo et heredes sui mihi et heredibus meis nomine relevie tres marcas argenti solvant cum casus warde et relevi advenerit et ut sint quieti ab omnibus wardis et releviis pro dictis tribus mercis Volo etiam et concedo pro me et heredibus meis quod dictus Willelmo aut heredes sui nullam sectam curie faciant ad me vel ad heredes meos pertinentem extra tenementum de Lamabride Ego vero et heredes mei dicto Willelmo et heredibus suis dictam terram contra omnes homines et feminas acquietabimus warantizabimus et defendemus inperpetuum In cuius rei testimonium presenti scripto sigillum meum apposui Hiis testibus venerabili patri domino Archebaldus Dei gratia episcopo Moraviensi domino Willelmo priore de Hurchard dominis Gilberto de Glencheruie Willelmo de Haya de Lochorwill et Michaele de Wemys militibus Eugenio Thano de Rothnoych Willelmo de Doles Willelmo Wysman Johanne de Pethindreich et multis aliis