Charter Document - 07412006

Notum sit omnibus ad quos presens scriptum pervenerit quod cum inter Andream episcopum Moraviensem et capitulum Moraviense ex parte una et Robertum Hode et Matildam sponsam ejus ex altera controversia ver teretur super manerio de Lamanbrid cum pertinentiis suis coram judicibus a domino Papa delegatis scilicet Abbate de Der Decano et Archidiacono Aberdonensi illustri Rege Scottorum Alexandro prohibente et afferente predictum manerium suam esse baroniam et ideo de ipso in curia Regia et non ecclesiastica debere litigari tandem post multas altercationes ipso Rege mediante predicta causa per transactionem hujusmodi finaliter est sopita scilicet quod predictus Episcopus pro se et successoribus suis et capitulum Moraviense pro se et sibi successuris in posterum liti predicte renunciaverunt inperpetuum et predicto Roberto et Matilde sponse ejus et heredibus suis quietum clamaverunt inperpetuum totum clameum suum et totum jus quod se dicebant habere in predicto manerio de Lamanbrid cum suis pertinentiis omnibus excepta ecclesia ejusdem manerii et una dauach terre ad eandem ecclesiam pertinente Predictus vero Roberto Hod et Matilde sponsa ejus pro hac quieta clamatione nomine transactionis dederunt episcopatui Moraviensi et mense episcoporum Moraviensium et assignaverunt in puram et perpetuam elemosinam unam dauach terre que appellatur Petnassare per suas rectas divisas et cum omnibus justis pertinentiis suis cum tota terra que est inter rivulum qui appellatur Granuske et aqua que defendit de lacu Lochlyn sicut predictus rivulus defendit in predictam aquam et inde inter fabricam et mansos qui sunt in terra eadem usque ad aquam molendini et sursum per eandem aquam usque ad predictum lacum et inde per sicum proximum usque ad predictum rivulum hanc igitur terram per divisas prenominatas et predictam dauach scilicet Petinsare per suas rectas divisas et cum omnibus justis pertinentiis suis ex dono et concessione predictorum Robertum et Matildam sponse sue nomine transactionis facta predictus episcopus et successores sui inperpetuum habebunt libere quiete et plenaria et honorifice in puram et perpetuam elemosinam et quietam ab omni exactione et servitio cum communi pastura et omnibus communibus aysiamentis totius manerii predicti quantum pertinet ad tantam terram salvis dicto Roberto et Matilde sponse ejus et heredibus suis molendino suo cum aqua ejusdem molendini et fabrica predicta et bracina sua que non est infra terminos prenominatos Predictus etiam Roberto Hode et Matilde sponsa ejus et heredes sui warantizabunt perpetuo predictas terras per suas rectas divisas cum omnibus justis pertinentiis suis cum predictis pastura et aysiamentis libertatibus et immunitatibus predicto Episcopo et omnibus successoribus suis necnon et easdem terras acquietabunt perpetuo contra dominum Regem et omnes homines de omnibus exactionibus et servitiis Idem autem Roberto et Matilde sponsa ejus obligaverunt se et heredes suos ad supradicta omnia perpetualiter observanda Et super hiis firmiter et fideliter atque finaliter tenendis tam pro se quam pro heredibus suis corporale prestiterunt jura mentum Predictus vero Episcopus pro se et successoribus suis et capitulum Moraviense pro se et sibi successuris in posterum promiserunt in verbo veritatis predicto Robertum et heredibus suis super residuo predicti manerii de Lamanbride de nullo unquam tempore ab eis vel per illos questionem fore movendam In premissorum autem firmum et indubitabile testimonium ei parti hujus scripture in modum chyrographi confecte que apud predictos Roberto et sponsam ejus et heredes suos extitit apposita sunt sigilla predicti Episcopi et capituli Moravie cum subscriptionibus eorundem Illi vero parti que est penes predictum Episcopum Moraviensem et capitulum sigillum illustris Regis Scottorum Alexandri et predicti Roberto Hod appenduntur Testibus Waltero Glasguensi episcopo Gylberto Katanensi episcopo Alano de Gykelles Wyck Constabulario [Alano de Galweya Constabulario] Malcolmo comite de Fyf Willelmo Cumyn de Bucham Roberto comite de Straheryn Waltero dapifero domini Regis Henrico de Baylloyl camerario domini Regis Ingraham de Bayllol Waltero Gyffard Johanne de Macuswel Waltero Cumyn clerico domini Regis et multis aliis Actum anno gratie MCCXXV