Charter Document - 07412002
| Charter Number: | 07412002 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum episcopis abbatibus comitibus baronibus justicijs vicecomitibus ministris et omnibus probis hominibus totius terre sue clericis et laicis salutem Sciant presentes et futuri me pro salute anime mee et animarum predecessorum et heredum meorum dedisse et concessisse et hac carta mea confirmasse Deo et ecclesie de Kinlos et monachis ibidem Deo servientibus totam terram illam de Burgin que est ex aquilonali parte vie mee regie que vadit de Fores versus Elgin scilicet a rivulo de West qui est in exitu nemoris sicut via predicta vadit de Fores usque ad Elgin usque ad magnam silvam de Kelbuthac et abinde de transverso usque ad divisas terre de Kinlos Tenendam et possidendam in liberam et perpetuam elemosinam ita bene et plenaria et honorifice et ita libere et quiete ab omni servicio et exactione seculari sicut alias tenendas et possessiones suas ad eandem ecclesiam perpetualiter pertinentes liberius quietius plenius et honorificencius tenent Testibus Matheo episcopo de Abredon Andree episcopo de Catenes David fratre meo Waltero de Bidun cancellario Comite Dunecano Comite Gilberto Comite Malcolmo Ricardo de Morevil Constabulario Waltero filio Alani Dapifero Waltero de Berkeley Willelmo filio Fresekin Petro de Polloc apud Elgin