Charter Document - 07412001
| Charter Number: | 07412001 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1160 |
| Date type: | Internal, Event, Feast |
| Resource Link(s): |
People of Medieval Scotland |
Charter:
Malcolmus Rex Scottorum omnibus probis hominibus totius terre sue salutem Sciatis me in feodo et hereditate dedisse Berowaldo flandrensi in provincia de Elgin Inees et etherurecard per rectas earum divisas Tenendas sibi et heredibus suis de me et de heredibus meis hereditarie libere quiete in bosco in plano in campis pratis pascuis in moris et aquis Faciendo michi inde seruicium vnius militis in castello meo de Elgin Preterea ei dono in burgo meo de Elgin vnum toftum plenarium tenendum simul cum predicto feodo suo ita libere et ita quiete sicut aliquis ex paribus suis liberius et quiecius tenet toftum suum Testibus Willelmo Moraviensi episcopo sedis apostolice legato Merlesvano filio Colbani Willelmo filio Frisgin apud Pert in natali domini proximo post concordiam Regis et Sumerledi Tenet hoc trans sumptum cum originali carta in presentia Dominorum consilii pro tribunali sedentium producta lecta inspecta et diligenter examinata non cancellata suspecta aut vitiata collatio natum et concordans cum eadem et de mandato Dominorum in hanc publicam trans sumpti formam propter vetustatem et fragilitatem originalis carte redactum et confectum edicto publico ut moris est rite et legitime primitus prehabito ut talis et tanta fides huic transumpto temporibus affuturas adhibeatur qualis adhibenda est prelibate carte originali Per me Gavinum episcopum Abirdonensem clericum rotulorum registri ac consilii supremi domini nostri Regis sub meis signo et subscriptione manualibus