Charter Document - 07411004
| Charter Number: | 07411004 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1235 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum Omnibus probis Hominibus Tocius Terre sue salutem Sciant presentes et futuri nos concessisse et hac carta nostra confirmasse donationem illam quam Gilbertus episcopus Katannie fecit Ricardo fratri suo de tota terra sua de Suthyrland quam Hugo Fresekyn dicto episcopo dedit Scilicet de tota terra de Skellebolle et de Serinbeildin et preterea de tota terra que jacet inter dictas terras de Skellebolle et de Serinbeilldyn et diuisas de Ros uersus occidentem Tenendis eidem Ricardo et heredibus suis de heredibus predicti Hugonis Fresekin in feodo et hereditate per rectas diuisas suas et cum omnibus iustis pertinentiis suis ita libere et quiete plenaria et honorifice sicut carta dicti Gilbertus episcopi inde plenius confecta predicto Ricardo et carta prenominati Hugonis Fresekyn et confirmatio domini regis Willelmi patris nostri super dictis terris prefato Gilbertus episcopo plenius confecte juste testantur et confirmant Saluo seruitio nostro Testibus Willelmus episcopo Glasguensi Cancellario Patricius comite de Dunbar Waltero filio Alani senescalli Justiciario Scocie Waltero Olifard Justiciario Laodonie Alano Hostiario Waltero Byset Willelmo de Mar apud Sanctum Andream vicesimo sexto die Decembris Anno Regni Domini Regis vicesimo secundo