Charter Document - 07411001
| Charter Number: | 07411001 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1203 - 1214 |
| Date type: | Assigned |
| Resource Link(s): |
People of Medieval Scotland |
Charter:
Omnibus hominibus et amicis suis has literas visuris vel audituris Hugo Freskyn salutem in Domino Sciant omnes tam presentes quam futuri me dedisse concessisse et hac presenti carta mea confirmasse magistro Gilberto Archidiacono Morauie et illis heredibus de parentella sua quibus ipse dare et concedere voluerit et heredibus eorum totam terram meam de Scelbol in Suthyrlandia et de Sernebuchlyn et Inuerchyn et preterea totam terram meam de Suthyrlandia versus occidentem que iacet inter has terras prenominatas et diuisas de Ros Tenendas et habendas sibi et heredibus suis prenominatis inperpetuum de me et heredibus meis per Rectas diuisas suas in bosco et in plano in pratis et in pascuis in stagnis et molendinis in moris et mariscis in Ripis et in piscariis et in omnibus iustis pertinentiis suis libere et quiete planaria pacifice et honorifice Faciendo pro predictis terris seruicium vnius sagittarii pro omni exactione consuetudine seruitio et demanda ad me et ad heredes meos spectantes Et adquietando forinsecum seruitium Domini Regis quantum ad predictas terras pertinet Ego vero Hugo Freskyn et heredes mei predictas terras prenominatas predicto magistro Gilberto archidiacono Morauie et illis heredibus de parentella sua quibus ipse dare et concedere voluerit et heredibus eorum contra omnes homines et feminas warantizabimus acquietabimus et defendemus inperpetuum Hiis testibus Willelmo fratre meo Andree fratre meo Waltero Morthach Hugone Duglas Freskyno Duglas Waldeuo de Garuiacht Roberto Camerario Reginaldo Janitore Ricardo de Morauia Archybaldo de Duffus Augustino de Elgyn Thome filio Augustini Johanne nigro Alexandro de Elgyn et multis aliis