Charter Document - 07410263
| Charter Number: | 07410263 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1287 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Noverint universi presens scriptum visuri vel audituri quod anno Domini millesimo CC octogesimo sexto die Dominica proxima ante Annunciationem beate Marie Virginis in ecclesia cathedrali de Elgyn talis questio facta fuit inter Willelmum de Fedreth portionarium de Duffhus et Christianam sponsam suam ex una parte et nobilem virum dominum Reginaldum le Chene filium militem ex altera videlicet quod prefatus Willelmus et Christianam dederunt et concesserunt et presenti scripto confirmaverunt prefato domino Reginaldum quatuor davatas terre quas nunc habent in Strathnavyr ac etiam omnes alias terras quas quocunque titulo vel ex quacunque concessione habere poterunt in futuro in tenemento de Strathnavyr tenendas et habendas a predictis Willelmus et Christianam et heredibus suis eidem domino Reginaldo et heredibus suis inperpetuum cum omnibus juribus libertatibus rectitudinibus aysiamentis et pertinentiis ad dictas terras pertinentibus seu in posterum de jure pertinere valentibus adeo libere quiete plenaria et honorifice sicut carta originalis dicte terre de Strathnavyr confecta in se plenius proportat Predictus dominus Reginaldo et heredes sui pro prefatis Willelmus et Christianam et heredibus eorum facient tertiam partem liberi servitij unius militis pro tenemento quod prefati Willelmus et Christianam et heredes eorum nunc habent in baronia de Duffhus et in baronia de Strathbrok vel etiam quocunque titulo seu successione in dictis baroniis de Duffhus et de Strathbrok habere poterunt in futuro Faciet etiam dictus Reginaldo et heredes sui sectam ad curiam domini Regis justiciarii et vicecomitis quantum spectat ad partem ipsos Willelmus et Christianam et heredes suos in tenemento de Duffhus et de Strathbrok nunc contingentem vel in posterum contingere valentem ita videlicet quod homines dictorum Willelmus et Christianam et heredum suorum venient ad prefatas curias et intererunt et testimonium de dicta secta pro tertia parte ipsos contingente in tenemento de Duffhus et de Strathrok perhibebunt Hoc etiam adjecto quod homines et tenentes dictorum Willelmus et Christianam et heredum suorum facient Scoticanum servitium quotienscunque hujusmodi servitium contigerit exigi vel prestari Salvis etiam prefatis Willelmus et Christianam et eorum heredibus omnibus juribus et libertatibus ad dictas duas baronias de Duffhus et de Strathbrok pertinentibus pro parte ipsos nunc contingente seu quocunque modo ipsos in posterum contingere valente Et ut omnia et singula predicta firma maneant et inconcussa predicte partes in presentia venerabilis patris Archibaldus Dei gratia episcopi et capituli Moraviensis et aliorum multorum fide dignorum fide media corporale prestiterunt sacramentum pena nihilominus centum solidorum contra partem a predicta conventione resilire volentem fabrice Moraviensis ecclesie convertenda et plenius persolvenda et principali con ventione in suo robore etiam duratura Nos vero dicti Willelmus et Christianam et heredes nostri dictas quatuor davatas terre de Strathnavyr cum pertinentiis dicto domino Reginaldo et heredibus suis contra omnes homines et feminas warantizabimus acquietabimus pro predicto servitio faciendo et inperpetuum defendemus In cujus rei testimonium huic scripto sigilla nostra una cum sigillis venerabilis patris domini Archibaldus Dei gratia tunc episcopi Moraviensis et domini Johannem archidiaconi ejusdem loci ad instantiam nostram sunt apposita