Charter Document - 07410261

Sanctissimo patri in Christo et domino reverendo divina providencia sacrosancte Romane ecclesie ac universalis ecclesie summo pontifici sui devoti Prior et capitulum Sancti Andree in Scocia pedum oscula beatorum Ecclesia nostra per obitum bone memorie domini Gamelin quondam episcopi nostri pastorali solacio destituta et corpore ipsius ecclesiastice tradito sepulture nos Prior et capitulum volentes providere de pastore ipsi ecclesie nostre viduate petito juxta regni consuetudinem super hoc domini Regis assensu et optento diem statuimus scilicet diem Mercurii in crastino sanctorum martirum Marcellini et Petri anno ab incarnacione Domini MCCLXX primo in ecclesia nostra cathedrali ad eligendum seu providendum dicte ecclesie nostre viduate de pastore ad quem diem vocatis omnibus et presentibus qui de jure debebant volebant et poterant interesse invocata spiritus sancti gratia placuit omnibus nobis per formam compromissi ipsi ecclesie de pastore providere et sic nos omnes et singuli unanimiter et concorditer in sex canonicos nostros scilicet Nomine et septimum Archidiaconum Laudanie compromisimus quibus septem dedimus liberam potestatem eligendi aliquam personam ydoneam ipsius ecclesie nostre episcopum et pastorem promittendo nos recipere illum in episcopum quem perducerent eligendum Qui secedentes in partem consideratis diligenter statu ecclesie nostre et omnibus aliis que erant circa hujusmodi negotium attendenda Deum habendo per oculis omnes unanimiter consenserunt in magistrum Willelmum archidiaconum ecclesie nostre domini Pape capellanum virum in temporalibus providum et spiritualibus circumspectum valentem et scientem ecclesie nostre jura tueri eligendum in ejusdem ecclesie episcopum et pastorem quem Prior predictus vice sua et vice et mandato dictorum compromisi ariorum et vice tocius capituli in dicte ecclesie nostre Sancti Andree episcopum elegit in hunc modum Ego Johannes prior Sancti Andree vice mea et vice et mandato sex compromisi ariorum meorum et vice tocius capituli magistrum Willelmum Wischard archidiaconum Sancti Andree capellanum domini Pape eligo in ipsius ecclesie nostre episcopum et pastorem Que quidem electio fuit a nobis omnibus et singulis acceptata et postmodum incontinenti fuit per eundem Priorem solempniter publicata Cui electioni dictus Archidiaconus sic electus ad magnam ipsarum parcium instanciam licet cum magna difficultate consensit Quare sanctitati vestre humiliter supplicamus et devote quatinus de benignitate sedis apostolice dictam electionem tam concorditer et de persona ydonea celebratam auctoritate apostolica dignemini confirmare Ad cujus electionis confirmacionem petendam mittimus ad pedes sanctitatis vestre Nomine quos procuratores constituimus In cujus rei testimonium []