Charter Document - 07410260

Innocentius episcopus [] venerabilibus fratribus Lyncolniensi Wygorniensi et Lycchefeldensi episcopis salutem et apostolicam benedictionem Clamat in auribus nostris ecclesia Scoticana et adversus eos qui fidelem Scocie videntur regere populum et heredem illius Christianissimi Regis adhuc impuberem optinere sue potestati subjectum multiplicem se habere proponit materiam questionis Et caritativa quidam in illos primum querela dirigitur pro Rege puero et pro regno quod videlicet eidem Regi pupillo bene non consulunt dum thronum ejus novi aulici ascendentes amotis sanitatis consiliis quibus providus eum sus fulserat vivens adhuc patrius affectus justitia et judicio non conformant nec in sua regnum ipsum integritate conservant dum iidem novi aulici novis consiliorum machinis ecclesiasticam impetunt libertatem quam profecto qui violant principum robur quo fides viget catholica et regia dirigitur celsitudo confringunt Inter cetera que in derogationem ecclesiastice potestatis in partibus illis ministri regni et locorum domini post obitum clare memorie Regis Scottorum quem fides et libertas ecclesie Christianissimum habuit defensorem sub Rege tenere indolis attemptare dicuntur nemini videri non debet absonum et absurdum ac divini et humani judicii animadversione plectendum quod cum ecclesiarum prelati excommunicationis vel interdicti seu suspensionis sententias ob contumaciam seu offensam proferunt in subjectos ad eos ut hujusmodi sententias revocent litteratoria sub nomine Regis jussa manant qui nisi perceptioni paruerint ad id bonorum suorum conscissa partionem sacrilegam compelluntur sicut aliquibus ejusdem regni episcopis dicitur contigisse Et super possessionibus quoque seu rebus quas in jus divinum pia contulit largitas devotorum clerici per regia trahuntur edicta contra cleri privilegium ad judicium seculare nec audiuntur jus publicum allegantes sicque per judicis incompetentis injuriam non nunquam ecclesie suis possessionibus spoliantur Et preterea cum aliquibus possessionibus ecclesiis in elemosinam a laycis perpetuam donatis in quibus nihil sibi preter exercitum ad defensionem regni et commune auxilium retinent donatores iidem ministri et alii layci eorum favore suffulti per adjectionem hujusmodi predictas possessiones laicantes fore censentes eas in omnibus paris conditionis efficiunt cum possessionibus laycorum et in divini juris dispendium interpretatione perversa donatorum munificentiam restringentes layce subiciunt servituti Non attendentes quoque quod laycis quantum libet religiosis de rebus ecclesiasticis nulla est possibilitas distribuendi attributa ecclesiastica predia invitis et contradicentibus dominis limitare propria temeritate et de ipsorum finibus in quorum possessione pacifica ecclesie fuisse noscuntur per tempora longiora sequentes interdum perjuria laycorum qui clericis oppido sunt infesti proferunt pro laycis contra clericos iniqua judicia que tandem per spoliationis violentiam exsequuntur Porro de jure patronatus quod sit spiritualibus causis annexum nemo fere non novit sed licet per hoc quod explorati fit juris illud ad judicium ecclesiastici examinis pertinere de generali et juri consentanea regni predicti consuetudine sit optentum id tamen ibidem novis conviciis usurpatur a laycis [ut] super hoc cum de illo agendum fuerit ad forinsecum recurratur judicium jam ex parte Regia est puplice proclamatum Fidei vero ac jurisjurandi judicium quis abnuat inter spiritualia negotia nisi quis de fide sincera non senserit computandum et cum carne se in hac parte spiritui contumaciter preferente ceperunt in partibus vestris Regia scripta discurrere per que in Regis [noxam] regnique jacturam ne quis ad observationem juramenti vel fidei per censuram ecclesiasticam cogatur inhibetur Sane licet sit de antiqua ejusdem regni consuetudine introductum et velut humane discipline consonum pacifice usque ad hoc tempus observatum ut prelati quandam penam infligant pecuniariam pro delictis que ad censuram ecclesiasticam noscuntur pertinere cum delinquentes non prospexerint spirituali gladio quo non est pena severior feriendos Jam regni predicti magnates et alii temporali predicti potestate consuetudinem immutare volentes laudabilem subditis suis ne hujusmodi pene pareant interdicunt Ad ea insuper que ab humani jure dominii divine potestatis auctoritas abdicavit ministrorum sui cultus usibus profutura presumptuosa nimis atque dampnabilis eorundem magnatum prorogatur audacia de feno molendinis pascuis decimas solvi ecclesiis interdicens Si qui vero super hiis prestandis in judicium coram ecclesiasticis judicibus evocantur actores prosequi jus divinum aut judices super eo justitiam exhibere poscentibus missa sub nomine Regis edicta prohibitoria non permittunt quin potius hoc sub gravis pene interminatione proposita iidem judices coguntur jam rite prolatas nuper sententias revocare Clerici vero uxorati ejusdem regni qui clericalem deferentes tonsuram clericali gaudere solent privilegio et cum bonis suis sub ecclesiastice protectionis manere presidio ab antiquo solite immunitatis beneficiis exuuntur et sub nova rediguntur onera servitutis Verum ne parum illis esset per hoc in Scoticanam ecclesiam deliquisse peccatum adjecerunt non fatis veniale in Romanam dum plenitudinem potestatis qua Deus sedem apostolicam perdidit quantum in ipsis est vacuare conantes clericos literarum nostrarum impetratores et judices delegatos a nobis ab agendo vel cognoscendo commissa tractare negotia prolatis Regiis prohibitionibus et interminationibus non permittunt in ejusdem sedis intolerabilem injuriam et contemptum Verum quum pastorum interest precipue pro salute gregis et pro decore libertatis ecclesie se obicere ascendentibus ex adverso nonnulli de clero ut concussis columpnis edificium corruat adversus pontifices suos impias ut dicitur inter se colligationes et conspirationes innectunt in periculum ecclesiastici status et ordinis et suarum perniciem animarum Gravia sunt hec nec sine culpa possunt incorrecta relinqui vel dissimulatione aliqua preteriri que quidem ex eo precipue quod in quibusdam religiosis et clericis cooperationis habere dicuntur favorem a quibus in laycos quos salutaribus remediis a tantorum peste morborum curare debuerant corruptela producitur zelum excitant salutifere ultionis et tempestivum suadent medicine antidotum preparari ne in Regis dispendium quem etatis infirmitas ut dicitur ista non capiens excusare quodammodo videtur a culpa et in actores ejus retorquere de lictum necnon in detrimentum regni lapsum fidei et ruinam catholice libertatis premissa malorum initia per morosam tolerantiam in illis Christiane sinceritatis ipsis invalescant Cum enim qui talia nequiter agunt vel agenda suadent non fit incerta dampnatio et promptum in eos apud Deum dure animadversionis judicium non dormitet pastoralis sollicitudinis zelus tunc in eis miseretur et commodat cum in plectendis culpis eorum severius excandescit Quare fraternitati vestre per apostolica scripta districte precipiendo mandamus quatinus consiliarios officiales ministros Regis regnique ejusdem magnates et alios tam religiosos et clericos quam laycos hec et hiis similia presumentes eorumque fautores qui negligenter cum possent perturbare perversos fovere videntur et ut presumptiones predictas in statum debitum sine more dispendio studeant revocare et a consimilibus prorsus abstineant in futurum non impedientes ullo modo per se vel alios vel impediri quantum in eis sit permittentes ecclesiarum rectores et clericos super premissis et aliis uti pacifice jurisdictionibus libertatibus et immunitatibus in temporalibus suis bonis juxta constitutiones canonicas et civiles ac consuetudines approbatas per excommunicationem in personas et interdictum in terris si layci fuerint quacunque etiam dignitatis vel potestatis eminentia prefulgentes si vero clerici cujuscunque dignitatis gradus vel ordinis per privationem vel suspenfionem perpetuam a prelationibus dignitatibus et beneficiis ecclesiasticis auctoritate nostra sublato cujus libet appellationis obstaculo de plano et absque judiciorum strepitu quotiens expedierit vel oportuerit et super hoc requisiti fueritis compellatis Prelatos nihilominus et clericos sepe fati regni quos laycorum ad opprimendam totaliter ecclesiasticam libertatem et clerum quandocunque nunc vel in posterum contra solemnitatem judiciariam constiterint intentores nisi hoc celeriter emendare curaverint moniti competenter cum literis nostris causam ipsorum contingentibus personaliter infra peremptorium terminum eis prefigendum a vobis ad sedem apostolicam ab officiis beneficiisque suspensos venire cogatis prout egerint recepturos Subditos quoque quos contra prelatos conspirationis facinus deprehenderit is admisisse pena canonica punientes non obstante si aliquibus eorum forsitan sub quacunque forma uberiori generaliter vel specialiter a fede apostolica sit indultum quod excommunicari vel suspendi non possunt vel ipsorum terre subici ecclesiastico interdicto seu quavis alia dicte sedis indulgentia per quam commisse vobis jurisdictionis executio impediri valeat vel deferri et de qua plenam et expressam in literis nostris fieri mentionem oporteat seu constitutione de duabus dictis edita in concilio generali sive quod Scotis dicimur concessisse ut extra regnum Scotie nequeant per literas apostolicas ad judicium evocari Et si non omnes hiis exsequendis potueritis interesse duo vestrum nihilominus ea exsequantur Datum Jan pridie Kalendas Junii pontificatus nostri anno octavo Deo gratias