Charter Document - 07410257
| Charter Number: | 07410257 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1225 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius episcopus servus servorum Dei universis episcopis regni Scotie salutem et apostolicam benedictionem Quidam vestrum nostris nuper auribus intimaverunt quod cum non habeatis archiepiscopum cujus auctoritate possitis provinciale concilium celebrare contigit in regno Scotie quod est a sede apostolica tam remotum statuta negligi concilii generalis enormia plurima committi que remanent impunita Cum autem provincialia consilia omitti non debent in quibus de corrigendis excessibus et moribus informandis diligens est habendus cum Dei timore tractatus ac canonice relegenda sunt regule ac servande maxime que in eodem concilio generali sunt statute per apostolica vobis scripta mandamus quatinus cum metropolitanum noscamini non habere auctoritate nostra provinciale concilium celebretis Datum Tyber xiiii Kalendas Junii pontificatus nostri anno nono