Charter Document - 07410256

Innocentius episcopus servus servorum Dei dilectis filiis Priori et fratribus Vallis Caulium salutem et apostolicam benedictionem Solet annuere sedes apostolica piis votis et honestis petentium [precibus] favorem benevolum impertiri Ex literis sane venerabilis fratris nostri Guido electi Remensis accepimus quod dum transiret per dioecesim Lingonensem vos invenit in Valle Caulium novellam institutionem ordinis assumpsisse de cujus meritis diligenter inquirens nil in eo nisi religiosum comperit et honestum Invenit siquidem prout eedem litere continebant quod inter vos unus monachorum quem vos filii monachi eligetis debeat esse Prior cui omnes monachi videlicet et conversi quorum societas vicesimum numerum non transcendet tanquam spirituali patri reverentiam et obedientiam curabitis exhibere Nullus vestrum proprium possidebit In conventu singulis diebus missa et hora canonice cantabantur Privatas quoque missas qui voluerint celebrabunt Capitulum tenebitis omni die facturi xii lectiones temporibus constitutis Simul laborabitis Et simul in refectorio comedetis carnibus et sagi mine non utentes Prior vobiscum in eodem refectorio comedet simili cibo et veste contentus A festo resurrectionis Dominice usque ad exaltationem Sancte Crucis bis comedetis in die residuum temporis sub jejuniorum abstinentia trans cursuri pane et aqua et uno pulmento contenti vj feria existentes In die nativitatis Dominice non jejunabitis nec vj feria in estate ubi festum intervenerit xii lectionum Vivetis de reditibus silentium servaturi Femine interiores terminos non intrabunt nec vos exteriores excepto Priore nisi causa ordinis transcendens Prior tamen si occupatus fuerit vel egrotans et urgens necessitas vel evidens utilitas postularit poterit unum quem voluerit destinare Cilicia inductis ad carnem eos qui ferre non poterunt non cogentes Lineas et cannabinas vestes nullatenus inductis grosse lane vestes non tinctas et pelliceas habituri Cum tunicis cingulo et caligis omnes jacebitis et preter hec vos filii monachi cum cuculla nusquam et nunquam super culcitris quiescentes Erunt novicii vestri in probatione per annum Et vos filii monachi a matutinis usque ad horam laboris et a vesperis usque ad occasum solis lectioni orationi et contemplationi vacabitis exceptis quos Prioris discretio pro aliqua certa et necessaria causa duxerit retrahendas Nos autem vestris justis postulationibus annuentes personas vestras et locum in quo divino obsequio estis mancipati cum omnibus que in presentiarum rationabiliter possidetis aut in futurum concessione pontificum largitione regum vel principum oblatione fidelium seu aliis justis modis prestante Domino [poteritis] adipisci sub beati Petri et nostra protectione suscipimus Specialiter autem ordinem ipsum provida deliberatione de assensu dioecesani statutum auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre protectionis et confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beati Petri et Pauli apostolorum ejus se noverit incursurum Datum Rome apud Sanctum Petrum [incarnationis Dominice anno MCCV] iiij Idus Februarii pontificatus nostri anno vij