Charter Document - 07410222

Omnibus has literas visuris vel audituris Archebaldus Dei gratia Moraviensis episcopus salutem in Domino sempiternam Noveritis universi nos de voluntate et consensu Decani et capituli nostri concessisse dedisse et hac presenti carta nostra confirmasse Johanni archidiacono Moraviensi totam terram ecclesie beati Johannis Baptiste de Logynsythenach cum omnibus juribus assiamentis et commoditatibus ad eandem pertinentibus et in posterum pertinere valentibus tenendam sibi et habendam in tota vita sua in puram et perpetuam elemosinam secundum tenorem carte quondam Alexandri per illustris Regis Scottorum qui prefatam terram bone memorie quondam Andree episcopo Moraviensi et suis successoribus et ecclesie Moraviensi dedit et concessit ita videlicet quod prefatus Johannes quendam inveniet capellanum pro animabus predicti Regis et antecessorum et successorum suorum et prefati Andree episcopi et successorum suorum et omnium Christi fidelium missam in predicta ecclesia celebraturum Ad cujus capellani sustentationem percipiet idem Johannes unam marcam annuam de vicario de Dyke qui pro tempore fuerit medietatem scilicet ad festum Sancti Martyni in hyeme et aliam medietatem ad festum Pentecostes proximo sequens et sic deinceps singulis annis Nos vero et successores nostri predictam terram cum omnibus juribus assiamentis et commoditatibus ut predictum est eidem Johanni sive statum suum mutaverit sive non contra omnes homines in suo perpetuo warantizabimus et defendemus In cujus rei testimonium una cum sigillo nostro sigillum commune capituli Moraviensis presenti scripto est appositum Datum apud canonicam de Elgyn die Martis proximo post festum Sancti Matthie apostoli anno Domini millesimo ducentesimo octogesimo septimo