Charter Document - 07410221

Omnibus Christi fidelibus hoc scriptum visuris vel audituris Hugo Herock burgensis de Elgin salutem in Domino Noverit universitas vestra me in bona prosperitate constitutum de consensu et voluntate Margarete uxoris mee divine caritatis intuitu et pro salute anime mee et anime dicte Margarite et pro salute animarum parentum et liberorum nostrorum necnon et specialiter pro salute anime Alexandri tertii illustris Regis Scotie et pro salute venerabilis patris domini Archebaldi Dei gratia Moraviensis episcopi et omnium successorum suorum episcoporum Moraviensium dedisse concessisse et hac presenti carta mea confirmasse in puram et perpetuam elemosinam de me et heredibus meis Deo et beate Marie et Omnibus Sanctis necnon et ecclesie Sancte Trinitatis de Elgin et predicto Archebaldo episcopo Moraviensi sibi successuris et Decano et capitulo ecclesie Sancte Trinitatis totam terram meam de Daldeleyt per rectas divisas suas et cum omnibus pertinentiis suis in bosco et plano in pratis et pascuis in moris et mariscis in aquis piscariis et molendinis omnibus aliis rectitudinibus juribus et aysiamentis ad dictam terram pertinentibus vel de jure in posterum pertinere valentibus ad sustentationem duorum capellanorum perpetuo pro animabus nostris et pro animabus omnium fidelium defunctorum divina celebrat urorum Ita scilicet ut unus teneatur perpetuo divina celebrare ad altare Sancti Nicholai in ecclesia Sancte Trinitatis de Elgyn et alter ad altare Sancte Crucis in ecclesia parochiali de Elgin ille vero capellanus qui pro tempore celebraturus est divina ad altare Sancti Nicholai erit in omnibus et singulis obediens Decano et capitulo sicut et ceteri capellani qui in capellis dicte ecclesie Sancte Trinitatis celebrantes dicto Decano et capitulo tenentur obedire et adquiescere Quibus duobus capellanis volo et concedo ut de firma predicte terre per episcopum Moraviensem qui pro tempore fuerit et decanum et capitulum ecclesie cathedralis singulis annis ad duos terminos Pentecostes videlicet et Sancti Martini in hyeme pro salariis eorundem capellanorum et sustentatione duodecim marce sterlingorum ministrentur sex videlicet uni et sex alteri Si vero contingat quod firma dicte terre predictam summam duodecim marcarum excedat volo ut quantum excesserit de eadem in usum dictorum altarium quo ad ornamenta eorundem et necessaria plenius cedat et convertatur Quare volo et concedo quod predicta ecclesia Sancte Trinitatis de Elgyn prefatus Archebaldus Moraviensis episcopus et omnes successores sui Moravienses episcopi et Decanus et capitulum Moraviensis ecclesie totam terram prenominatam de Daldeleyt cum omnibus pertinentiis suis libertatibus et aliis aysiamentis ad predictam terram spectantibus in puram et perpetuam elemosinam ad sustentationem dictorum capellanorum ut superius expressum est adeo libere quiete plenaria et honorifice habeant teneant et possideant inperpetuum sicut aliqua elemosina in regno Scotie ab aliquo liberius quietius et honorificentius tenetur et possidetur Salvo domino Regi forinseco servitio quantum ad dictam terram pertinet Et ut hec mea donacio concessio et carte mea confirmacio rata stabilis et in concussa permaneat presenti scripto sigillum meum una cum sigillo dicte Margarete sponfe mee est appensum Hiis testibus domino Andree abbate de Kynlos domino Simone priore de Pluscardy domino Willelmo priore de Urcharde domino Willelmo de Doleys milite Willelmo Wysman Willelmo de Brenneth dicto Tatenel Adam filio Stephani burgensi de Elgyn magistro Rogero de Innernarryn domino Roberto vicario de Dufhus domino Nicholao capellano vicario de Dundurkhus et multis aliis Datum apud Elgyn die Dominica in festo Nativitatis beate Virginis anno Domini MCC octogesimo sexto