Charter Document - 07410220

Omnibus Christi fidelibus hoc scriptum visuris vel audituris Willelmus comes de Ros salutem in Domino Noverit universitas vestra me pro salute anime mee uxoris mee liberorum meorum et omnium antecessorum meorum et successorum meorum et in compensationem dampnorum injuriarum ac lesionum in ecclesias de Petyn et de Brachuli mihi et meis a venerabili patre Archebaldo episcopo Moraviensi impositam dedisse concessisse et hac carta mea confirmasse Deo et Sancte Trinitati de Elgyn et Archebaldo episcopo et omnibus episcopis Moraviensibus sibi successuris ac capitulo ejusdem loci in puram et perpetuam elemosinam duas dauatas terre in Ros que vocantur Kattepoll et unum quartarium terre qui vocatur Petkenny per rectas divisas suas et cum omnibus pertinentiis suis ad victum et sustentationem fratrum minorum qui pro tempore apud Elgyn in domo eorundem prope ecclesiam cathedralem habitaverint vel in posterum habitaturi fuerint ita videlicet quod episcopus Moraviensis qui pro tempore fuerit de consilio capituli sui constituet et deputabit aliquem virum discretum et fidelem distributorem qui singulis annis in terminis suis omnimodam firmam dictarum terrarum plenius recipiet et eandem in exhibitionem et usus necessarios dictorum fratrum salubriter prout melius viderit expedire distribuet Quod si dicti fratres minores ibidem non fuerint vel manere noluerint firma dictarum terrarum per consilium dicti Episcopi et successorum suorum ac capituli Moraviensis in sustentationem duorum capellanorum in ecclesia cathedrali de Elgyn pro animabus omnium fidelium defunctorum inperpetuum ministrat urorum penitus convertetur manente penes dictum Episcopum et ejus successores institutione et destitutione dictorum capellanorum Quare volo et concedo ut dictus Episcopus et successuri sui omnes episcopi Moravienses dictas terras per rectas divisas suas et cum omnibus pertinentiis suis in bosco in plano in pratis in pascuis in moris in mariscis in stagnis in aquis in piscariis in viis in semitis in feris in avibus in domesticis et silvagiis et omnibus pertinentiis aysiamentis et libertatibus suis in puram et perpetuam elemosinam habeant teneant et possideant in posterum ad sustentationem alterutrius elemosine supranominate adeo libere quiete plenaria et honorifice sicut aliqua elemosina in toto regno Scotie liberius quietius plenius et honorificentius habetur tenetur et possidetur Ego et heredes mei omnes pro servitiis quibuscunque et auxiliis que de predictis terris ab aliquo in posterum exigi poterunt plenius respondebimus Quas etiam terras omnes cum suis pertinentiis libertatibus eidem Episcopo et suis successoribus omnibus ad sustentationem dicte elemosine inperpetuum ego et heredes mei contra omnes homines et feminas warandizabimus Quod si ego vel quisquam heredum meorum contra supradicta vel aliquod eorum aliquo tempore venire presumpserimus subjeci me et heredes meos omnes jurisdictioni episcopi Moraviensis qui pro tempore fuerit et fede vacante decano et capitulo ejusdem loci ut liceat eis tam me quam heredes meos ad observantiam omnium predictorum et singulorum sine strepitu quolibet per censuram ecclesiasticam districtius compellere In cujus rei testimonium huic presenti scripto sigillum meum apposui hiis testibus domino Roberto Dei gratia episcopo Rossensi domno Colino abbate de Nova Ferina magistro Adam de Derlingtun precentore Rossensi domino Matheo succentore Rossensi magistro Rogero succentore ecclesie Moraviensis domino Willelmo de Monte alto domino Johanne de Cambrun domino de Dundemor militibus et aliis multis