Charter Document - 07410218
| Charter Number: | 07410218 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1254 - 1296 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris vel audituris Symon thanus de Aberkerdor salutem eternam in Domino Noveritis universi me pro salute anime Alexandri bone memorie illustris Regis Scocie et ipsius heredum ac anime patris mei et mee nec non omnium Christianorum dedisse concessisse et hac presenti carta mea confirmasse Deo et beate Marie Virgini et domino Cristino capellano capelle Sancti Menimii confessoris super ripam de Duffhern site servienti et perpetuo capellano qui pro tempore fuerit ibidem serviturus quatuor marcas argenti de molendino de Carnoussexth singulis annis percipiendas et le haylch integre que vocatur Dolbrech per suas rectas divisas per illas scilicet sicut sica parvula ex parte occidentali se extendit usque ad unam fossam in capite dicte Dolbrech et sicut alia sica ex parte orientali usque ad altam viam se defendit cum omnibus edificiis ad predictam capellam infra cymiterium edificatis et edificandis tenendas et habendas eidem Cristino in tota vita sua de me et heredibus meis in puram et perpetuam elemosinam libere quiete plenaria et honorifice ab omni opere servili exactione et demanda seculari adeo libere quiete plenaria et honorifice sicut aliqua elemosina infra regnum Scocie liberius quietius plenius et honorificentius tenetur vel possidetur Volo etiam ut quicunque capellanus qui pro tempore predicte capelle fuerit serviturus ad electionem et ordinationem meam et heredum meorum per consilium domini episcopi Moraviensis qui pro tempore fuerit ibidem instituatur Si vero contingat quod absit quod ego vel heredes mei contra hanc concessionem et donationem in aliquo venerimus volo et concedo quod dominus Episcopus Moraviensis qui pro tempore fuerit me et heredes meos ad prefatas concessionem et donationem per censuram ecclesiasticam fideliter et integre observandas compellat Volo etiam ut prenominatus communem pasturam cum animalibus meis et heredum meorum ad duo decem vaccas et unum thaurum habeat et ut animalia sua rationabilem introitum habeant ad caulam suam in terra dicte capelle et exitum ad suam pasturam Et ut hec mea donatio perpetuum robur obtineat presens scriptum sigilli appositione roboravi mei proprii Hiis testibus venerabili patre Archembaldus episcopo Moraviensi Willelmo de Dun decano Moraviensi magistro Waltero Surays officiali Malcolmo de Ferrendrath Johanne de Ferrendrath Willelmo de Aberkerdouer fratre meo Duncano filio Duncani Mcgartned Cristino Mckennayth et aliis