Charter Document - 07410217
| Charter Number: | 07410217 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1269 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Willelmus comes de Ros salutem Noveritis universi me concessisse et hac presenti carta mea confirmasse Deo et ecclesie Moraviensi Archebaldo episcopo et omnibus episcopis Moraviensibus sibi successuris donationem illam quam fecit eisdem quondam Freskinus de Moravia dominus de Duffus de duobus dauachis terre de Clon in Ros cum omnibus pertinentiis suis ad sustentationem duorum capellanorum in predicta ecclesia pro fidelibus defunctis perpetuo ministrat urorum in puram et perpetuam elemosinam secundum quod carta predicti Fryskini inde confecta plenius testatur Concessi etiam eidem ecclesie et episcopis Moraviensibus et divine caritatis intuitu dedi et quietam clamavi de me et heredibus meis in posterum annuum redditum unius libre piperis michi et heredibus meis de predicta terra debitum Ego vero et heredes mei servitium domini Regis forinsecum quantum ad predictam terram de Clon pertinet pro predictis ecclesia et episcopis plenaria et integre in posterum faciemus et predictam ecclesiam et episcopos de omnibus exactionibus servicii consuetudinibus auxiliis et de mandis secularibus predictam terram de Clon contingentibus ego et heredes mei omnes inperpetuum immunes quietos conservabimus et indemnes Et si contingat me vel heredes meos contra hanc concessionem donationem et confirmationem meam aliquo tempore quod absit venire subicio me et heredes meos jurisdictioni episcopi Moraviensis qui pro tempore fuerit quod possit me et heredes meos omni censura ecclesiastica sine strepitu ad observationem omnium premissorum districtius compellere et cohortare Datum apud Invirnaryn die veneris proximo post festum Sancte Scolastice Virginis anno gratie millesimo ducentesimo sexagesimo octavo Testibus Willelmo de Dun decano Moraviensi Willelmo de Bathev priore de Hurchard Archebaldo Heroch archidiacono Moraviensi Willelmo comite Suthirland domino Willelmo de Monte alto domino Alexandro de Moravia domino Johanne Prath Willelmo Wysman Galfrido Surays et aliis multis In hujus rei testimonium presenti scripto sigillum meum apposui