Charter Document - 07410215
| Charter Number: | 07410215 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1265 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Fergus de Ardrossen miles salutem in Domino Noveritis universi me pro salute anime mee et specialiter pro salute anime quondam Friskini de Moravia domini mei domini de Duffus et pro salute omnium antecessorum et successorum meorum dedisse et concessisse et hac carta mea confirmasse in puram et perpetuam elemosinam Deo et ecclesie Moraviensi et Archebaldo episcopo et omnibus episcopis Moraviensibus sibi successuris totam terram meam de Ros scilicet duas dauatas de Clon quam tenui de dicto Friskino ad sustentationem duorum capellanorum in ecclesia cathedrali de Elgyn pro animabus omnium fidelium defunctorum perpetuo ministrat urorum juxta dispositionem et ordinationem dicti Episcopi et successorum suorum tenendam et habendam sibi et ecclesie sue inperpetuum ad sustentationem dicte elemosine per rectas divisas et cum omnibus pertinentiis suis in bosco in plano in pratis in pascuis in moris et mariscis in stagnis aquis molendinis et piscariis in feris et avibus et omnibus aliis rectitudinibus aysiamentis et libertatibus ad dictam terram pertinentibus adeo libere quiete plenaria et honorifice sicut carta dicti Friskini domini mei mihi su per hoc collata plenius testatur salvo forinseco servitio domini Regis quantum ad dictam terram pertinet salva etiam tenura domine Eufamie matris dicti Friskini in tota vita sua et hoc excepto quod ego et heredes mei non teneamur dictam terram dicte ecclesie warantizare Testibus domino Archebaldo archidiacono magistro Rogero succentore Moraviensi domino Waltero Surays Willelmo capellano episcopi Coraviensis Colino filio Augustini et aliis Datum apud Perth anno gratie MCC sexagesimo secundo septimo decimo Kalendas Aprilis