Charter Document - 07410214
| Charter Number: | 07410214 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1249 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Symon miseratione divina episcopus Moraviensis eternam in Domino salutem Noveritis universi hanc esse ordinationem factam a nobis de vicariis ecclesiarum de Inuernys et de Aberkerdor auctoritate nostra et de consensu et voluntate capituli nostri et virorum venerabilium domini Abbatis et conventus Sancti Thome martiris de Aberbrothoc videlicet quod quicunque pro tempore vicarius erit ecclesie de Inuernys eandem vicariam habeat et teneat in vita sua cum omnibus ad eandem vicariam pertinentibus reservatis predictis Abbati et conventui de Aberbrothoc tota decima garbarum bladi et molendinorum et allecium et tribus marcis annuis de decimis concessionum quadragesimalium et salvis eisdem terris omnibus ad ecclesiam de Inuernys pertinentibus Quilibet etiam vicarius juxta ecclesiam habitationem habebit quam modo habebat vicarius ubi nos et nostros et predictos Abbatem et suos ibidem adventantes honeste recipiet et ecclesie predicte de Inuernys et capellis suis honeste faciat de servire et de omnibus episcopalibus respondebit Quicunque vero vicarius erit predicte ecclesie de Aberkerdor vicariam predicte ecclesie habebit et tenebit pro vita sua integre plenaria et honorifice cum terra predicte ecclesie et oblationibus et omnibus aliis rectitudinibus ecclesiasticis ad eandem vicariam juste pertinentibus salvis predictis domino Abbati et conventui decimis omnibus garbarum integre tam omnis terre ecclesie quam totius parochie de Aberkerdor et salvis centum solidis eisdem annuatim persolvendis de dicta terra ecclesie de Aberkerdor in terminis ab eis faciendis et salvis eisdem placitis et querelis de dicta terra Quicunque vero vicarius erit ecclesie de Aberkerdor respondebit de episcopalibus omnibus et nos et officiales nostros et predictos Abbatem et suos ibidem adventantes honeste recipiet et predicte ecclesie de Aberkerdor in omnibus ad cultum divinum spectantibus honeste faciet de servire In cujus rei testimonium presenti scripto una cum sigillo nostro appositum est sigillum capituli cum subscriptionibus canonicorum nostro Hiis testibus Radulpho rectore de Elechis Thome capellano Willelmo de Inuernaren clerico Johanne Beleramb domino Thome Wyseman vicecomite de Elgyn Richardo Marscallo Hugone de Braytoftis Roberto Nigro Hugone Heroc burgensi de Elgyn et aliis Actum anno gratie millesimo [MCCXLVIII] pridie nonas Februarii Ego Symon episcopus subscribo Ego Archibaldus decanus Moraviensis subscribo Ego Willelmus archidiaconus Moraviensis subscribo Ego Johannes precentor Moraviensis subscribo Ego Andreas cancellarius Moraviensis subscribo Ego Robertus thesaurarius Moraviensis subscribo Ego Willelmus subdecanus Moraviensis subscribo Ego Johannes succentor Moraviensis subscribo Ego Willelmus de Dun canonicus subscribo Ego Willelmus de Dychton canonicus subscribo