Charter Document - 07410213
| Charter Number: | 07410213 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Walterus de Moravia filius Hugonis de Moravia omnibus amicis et hominibus suis salutem Sciant presentes et futuri me dedisse et hac carta mea confirmasse Petro capellano celebranti pro anima patris mei et matris mee et parentum meorum et fidelium defunctorum in ecclesia Sancti Petri apud Duffus et successoribus suis presbiteris constituendis ad celebrandum ibidem defunctis ad suam sustentationem in puram et perpetuam pro elemosinam unum croftum et toftum per illas diuisas per quas feci illa de ambulari et mensurari per Johannem de ogiston tunc senescallum meum presente Andree episcopo Moraviensi et aliis Quare volo et concedo ut predictus Petrus presbiter et successores ejus omnes et singuli ad predictum seruicium deputati quam diu illud personaliter et honeste facient in predicta ecclesia habeant in puram et perpetuam elemosinam predictam terram totam sine aliquo retene mento ad suam sustentationem cum communi pastura ad unum equum et quatuor vaccas predicti etiam sacerdotes omnes et singuli quieti erunt ab omni consuetudine exactione et demanda ad me vel heredes meos ratione predicte terre pertinente Testibus domino Andree episcopo Moraviensi Bartholomeo et Eduuardo capellanis meis Adam capellano rectore de carnedal Archebaldo capellano Episcopi Moraviensis Magistro Waltero de Crawforde Johanne de Oguston Martino dispensatore Ricardo de Welles et aliis Acta anno gratie millesimo CCXLXIIJ kalendas Octobris