Charter Document - 07410212
| Charter Number: | 07410212 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1238 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris vel audituris Andreas permissione divina Moraviensis episcopus eternam in Domino salutem Noveritis universi nos ad instantiam et presentationem Hugonis de Duffus et canonici Sancte Trinitatis de Elgyn admisisse magistrum Henricum ad vicariam Sancti Petri de Duffus et eundem in eadem instituisse Quare volumus et concedimus ut predictus magister Henricus predictam vicariam habeat in puram elemosinam cum omnibus ad alteragium pertinentibus salvis predicto Hugoni et persone et canonico omnibus decimis bladi provenientibus infra parochiam predicte ecclesie beati Petri de Duffhus predictus vero magister Henricus respondebit de episcopalibus et inveniet ydoneum vicarium sacerdotem qui pro predicto Hugone persona de Duffus et canonico Sancte Trinitatis de Elgyn in ecclesia cathedrali honeste ministrabit et competenter juxta ejusdem ecclesie statuta et consuetudines Testibus domino Simone decano Moraviensis ecclesie magistro Willelmo precentore Willelmo cancellario Roberto thesaurario Waltero sub decano Archebaldo Johanne Bernardo et magistro Johanne Berwych canonicis Moraviensibus Bartholomeo Waltero capellanis Willelmo clerico Willelmo camerario et aliis Actum anno gratie millesimo CCXXXVIII mense Mayo