Charter Document - 07410211
| Charter Number: | 07410211 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1207 - 1222 |
| Date type: | Assigned |
| Resource Link(s): |
People of Medieval Scotland |
Charter:
Bricius Dei gratia episcopus Moraviensis universis sancte matris ecclesie filiis eternam in Domino salutem Noverit universitas vestra nos concessisse et hac carta nostra confirmasse Hugoni de Moravia domino de Duffus et heredibus suis ut habeant liberam capellam suam in castello suo de Duffus et ad sustentationem capellani in eadem capella de servientis per voluntatem et consensum ejusdem Hugonis et Andree filii sui et persone de Duffus assignamus eidem capelle omnes decimas garbarum de terra que dicitur Aldetoun que est inter veterem ecclesiam de Kyntra scilicet a Langaphage per sicum qui vadit ex aquilonali parte de le Brinhill usque ad mariscum quod est inter veterem ecclesiam et le Aldeton et sicut mariscum illud vadit usque ad Blynd Wollis et ita usque ad novum fossatum et per novum fossatum usque ad viam que vadit de veteri ecclesia de Kyntra usque ad castellum Assignamus similiter eidem capelle per voluntatem et consensum eorundem omnes decimas garbarum de tota terra que est inter predictam viam et divisas de Kyntraye ex parte australi strati australis quod vadit de castello de Duffus ad salinas australes cum omnibus oblationibus in eadem capella factis Volumus etiam et concedimus ut predictus Hugo et heredes sui inperpetuum cuicunque voluerint predictam capellam concedendi et de eadem tanquam de libera capella sua disponendi liberam habeant facultatem Concedimus etiam et presenti carta confirmamus dicte capelle libertatem et immunitatem perpetuam ab omni exactione et servicio et consuetudine tam in episcopalibus quam in omnibus aliis ad nos vel ad successores nostros pertinentibus Volumus igitur et concedimus quod prenominata capella omnes predictas decimas garbales et oblationes cum libertatibus et immunitatibus omnibus supradictis habeat et possideat perpetuo adeo libere quiete plenaria et honorifice sicut aliqua libera capella aliquas decimas et oblationes liberius quietius plenius et honorificentius tenet et possidet Quicunque etiam capellanus predicte capelle deserviet et faciet servitium pro fundatoribus capiendo unam specialem collectam vide licet Deus qui vivorum dominatur simul et mortuorum Testibus magistro Gilberto de Moravia archidiacono Moraviensi Joanne de Moravia fratre ejus Archibaldo de Douglas Alexandro et Henrico canonicis de Spyny fratribus nostris magistro Henrico Thome capellano nostro Roberto clerico nostro Stephano de Hedinhaym Archibaldo de Moravia et Willelmo fratre ejus Michaele pincerna