Charter Document - 07410136
| Charter Number: | 07410136 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1309 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus hanc cartam visuris vel audituris David permissione divina episcopus Moraviensis salutem in Domino sempiternam Noveritis universi nos de unanimi consensu consilio et voluntate Decani et capituli Moraviensis dedisse et concessisse et hac presenti carta nostra confirmasse Willelmo filio Adam filii Stephani burgensi de Elgyn totam terram nostram de Wtyrspyny in escambium pro terra de le Qwytford pro terra de Inuerlothy molendino de Inverlothy pro terra de le Miltoun que fuit quondam Andree de Inverlothi cum toto jure quod habuit vel habere potuit in supradictis terris et molendino cum omnibus pertinentiis et rectis divisis suis tenendam et habendam eidem Willelmo et duobus heredibus suis de se provenientibus per rectas divisas suas et cum omnibus justis pertinentiis suis libere quiete plenaria et honorifice in moris mariscis in pratis et pascuis in bosco et plano in stagnis et piscariis et in omnibus aliis asyamentis et rectitudinibus ad predictam terram de Wthyrspyny pertinentibus vel quoquomodo pertinere valentibus salvo nobis situ molendini quod vocatur molendinum Vicecomitis de Elgyn super aquam de Loffyn reddendo nobis inde annuatim et successoribus nostris ipse et heredes sui supradicti in tota vita eorum pro omni servitio exactione consuetudine et demanda unam libram piperis ad festum Sancti Egidii abbatis et duodecim homines in autumno per unum diem bene metentes et faciendo forinsecum servitium domini Regis quantum pertinet ad terram predictam et faciendo modo consueto multuram ad molendinum nostrum de Malathy super Loffyn Quibus decedentibus volumus ut predicta terra cum omnibus pertinentiis suis libere plene et integre ad jus et proprietatem mense episcopalis Moraviensis redeat perpetuo possidenda In cujus rei testimonium una cum sigillo nostro presenti carte sigillum commune capituli Moraviensis ecclesie est appositum Testibus magistro Waltero decano Willelmo de Crefwyl precentore Henrici de Banff thesaurario Johanne de Spaldyng Adam Herok Willelmo sub decano Jacobo de Glenkerny canonicis ecclesie Moraviensis et multis aliis Datum apud Elgyn xxiii die mensis martii anno Domini MCCC nono cum subscriptione ut supra