Charter Document - 07410135
| Charter Number: | 07410135 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1309 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus hanc cartam visuris vel audituris David permissione divina ecclesie Moraviensis episcopus salutem in Domino sempiternam Noveritis universi nos de unanimi consensu consilio et voluntate Decani et capituli Moraviensis dedisse concessisse et hac presenti carta nostra confirmasse Willelmo filio Adam filii Stephani burgensi de Elgyn et heredibus suis inperpetuum dimidiam dauacam terre nostre de le Medilhalch que jacet inter terram de Wthyrspyny ex parte una et terram de le Frakcoklaw ex alia parte ex parte boreali aque de Loffyn cum omnibus pertinentiis et rectis divisis suis tenendam et habendam eidem Willelmo et heredibus suis per rectas divisas suas libere quiete plenaria et honorifice cum omnibus pertinentiis suis justis in moris mariscis in pratis et pascuis in bosco et plano in stagnis et piscariis et in omnibus aliis aysiamentis et rectitudinibus ad dictam dimidiam dauacam terre de le Medilhalch pertinentibus vel quoquomodo pertinere valentibus reddendo nobis inde annuatim et successoribus nostris ipse et heredes sui inperpetuum pro omni servitio exactione consuetudine et demanda quatuor solidos bonorum et legalium sterlingorum videlicet duos solidos ad festum Penthecostes et alios duos solidos ad festum Sancti Martini in yeme et faciendo forinsecum servitium domini Regis quantum pertinet ad terram predictam et faciendo modo consueto multuram ad molendinum nostrum de Malathy super Loffyn In cujus rei testimonium una cum sigillo nostro presenti carte commune sigillum capituli ecclesie Moraviensis est appensum Testibus magistris Waltero decano Willelmo de Keriswyle precentore Henrico de Banff thesaurario Johanne Spaldyng Adam Herok Willelmo sub decano Jacobo de Glenkerny dominis Henrico centum solidorum Johanne de Wytby prebendario de Kynor Adam prebendario de Spyny canonicis ecclesie Moraviensis et multis aliis Datum apud Elgyn xxiii die mensis martii anno Domini MCCCIX Canonici presentes subscripserunt videlicet Walterus decanus Willelmo precentor Henricus thesaurarius Johannes de Spaldyng Willelmus subdecanus Adam Herok Jacobus de Glenkerny