Charter Document - 07410134
| Charter Number: | 07410134 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1299 - 1326 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quos presentes litere pervenerint David miseratione divina episcopus Moraviensis salutem in Domino sempiternam Noveritis nos dedisse concessisse et hac presenti carta nostra confirmasse Willelmo de Inuerlochty filio et heredi Thome de Inuerlochty quatuor bovatas terre cum suis pertinentiis in villa de Inuerlochty de quibus dictus Thomas pater ejus vestitus obiit et saysitus tenendas et habendas sibi et heredibus suis inperpetuum de nobis et successoribus nostris episcopis ita libere quiete plenaria pacifice et quiete sicut Thomas pater ejus tempore obitus sui antedictas quatuor bovatas terre cum suis pertinentiis liberius tenuit plenius et honorificentius et quietius reddendo nobis singulis annis unum par albarum cyrothecarum Parisiensium vel tres denarios sterlingorum ad festum Pentecostes et faciendo servitium forinsecum quantum pertinet ad dictas quatuor bovatas terre etiam ad molendinum de Inuerlochty sequelam et faciendo sectam ad curiam nostram quolibet anno ad tria nostra placita capitalia salvo jure cujus libet In cujus rei testimonium sigillum nostrum autenticum una cum sigillo communi capituli nostri fecimus apponi Hiis testibus magistro Rogero de Inuernyss succentore dominis Johanne de Moravia prebendario de Petyn Hugone de Dyke canonicis ecclesie Moraviensis Alexandro capellano de Kynnedore Waltero de Strathawan et multis aliis