Charter Document - 07410133

Universis sancte matris ecclesie filiis ad quos presentes litere pervenerint David Dei gratia episcopus Moraviensis salutem cum benedictione divina utilitate et honestate ecclesie nostre cathedralis Sancte Trinitatis de Elgyn sepius et diligenter consideratis virorum prudentum interveniente consilio reputantes et animadvertentes prebendam centum solidorum predicte nostre ecclesie tenuem esse et exilem in ejus augmentum vicariam ecclesie nostre parochialis de Elgin de jure et de facto vacantem per resignationem domini Hervei ultimi vicarii ejusdem diligenti prius super hoc habito tractatu in capitulo nostro cum Decano et canonicis ejusdem capituli et de communi consensu et voluntate eorundem Decani et capituli memorate prebende cum suis omnibus et singulis pertinentiis seu pertinere valentibus uniendam duximus adjungendam Salvis nobis et successoribus nostris de eadem vicaria episcopalibus nostris debitis et consuetis decimis salmonum piscarie portus de Spee cum annua firma illius crofti quod dicitur le Vicarishalche que se extendit ad tres marcas duobus terminis persolvendas me dictatam videlicet ad festum Pentecostes et aliam medietatem ad festum Sancti Martini in hieme reservatis etiam nobis procurationibus nostris ita quod prebendarius dicte prebende qui pro tempore fuerit de eadem vicaria solvet uni capellano ecclesie Sancti Andree in illa parochia deservienti sex marcas ac capellano de le Inchis tres marcas terminis supradictis et faciet ecclesie parochiali de Elgin memorate honeste de serviri Ad hanc vero unionem testificandam et firmiter roborandam inperpetuum sigilli nostri munimine una cum communi sigillo capituli nostri presentes facimus consignari cum subscriptionibus canonicorum et nostris