Charter Document - 07410132

Universis presens scriptum inspecturis Johannes de Spalding canonicus Moraviensis prebendarius de Duffus salutem in Domino Noveritis me dedisse concessisse et hoc presenti meo scripto assignasse inperpetuum successoribus meis prebendariis de Duffus successive et canonice intrantibus mansuagium sive edificia mea infra canonicam de Elgyn quam construxeram in fundo quem emi ab heredibus Willelmi Utrearii de consensu et voluntate venerabilis patris domini Archebaldi Dei gratia tunc Episcopi domini Decani et capituli Moraviensis qui quidem dominus Episcopus tunc presens cum Decano et capitulo consentientibus me et assignatos meos de eodem fundo per annulum suum investivit et in corporalem possessionem ejusdem induxit Ita videlicet quod predictus successor meus quicunque fuerit solvere teneatur pro dicto mansuagio capitulo memorato vel procuratori per capitulum ad hoc deputato xx solidos sterlingorum singulis annis in festo Nativitatis beati Johannis Baptiste ad distribuendum inter canonicos vicarios et ministros ecclesie qui in vigiliis et missa presentes extiterint in die anniversarii mei quandocunque in anno contigerit absentibus vel tarde et intempestive venientibus a participatione exclusis tali videlicet moderamine quod decanus vel quicunque canonicus missam anniversarii mei celebraverit duplum recipiat portionis alterius canonici et quilibet canonicus duplum habeat cujus libet vicarii et quilibet vicarius vel capellanus de capella ecclesie duplum habeat vicarii diaconi vel sacriste et sic pro multitudine vel paucitate venientium proportionaliter fiat distributio singulis annis Volo etiam quod si aliquis defuerit vigiliis et non in missa vel in missa et non in vigiliis quod respiciatur de medietate partis ipsum contingentis si interesset utrisque Preterea ad hoc memoratus successor meus quicunque fuerit sufficienter sustinebit dicta edificia et reficiet sumptibus suis ne corruant et totum manerium cum edificiis ne a vetustate consumatur et ad ista omnia facienda et fideliter adimplenda in sua installatione per litteram suam capitulo se obligabit et jurabit Acta sunt ista apud canonicam de Elgyn in capitulo de consensu et voluntate Decani et capituli die et anno