Charter Document - 07410130
| Charter Number: | 07410130 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1294 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hanc cartam visuris vel audituris Willelmus de Fedreth et Cristina de Moravia uxor sua salutem in Domino sempiternam Noverit universitas vestra nos nullo metu aut vi coactos neque interventu pecunie vel dolo inductos sed ex magna devotione et spontanea voluntate salute et remedio animarum nostrarum parentum et successorum nostrorum dedisse concessisse et hac presenti carta confirmasse Deo et beate pro Marie Virgini et Omnibus Sanctis et Sancte Trinitati de Elgyn et domino Archebaldo Dei gratia episcopo Moraviensi et omnibus successoribus suis episcopis omne jus advocationis presentationis seu patronatus quod nos habemus vel habere poterimus in futurum in ecclesia Sancti Petri de Doffus seu in vicaria vel capellis ejusdem resignantes libere et plenaria in hoc facto pro nobis heredibus et successoribus nostris omnibus in manus dicti domini Archebaldi episcopi nomine suo et ecclesie sue omne jus presentationis vel patronatus quod ad nos pertinet vel aliquo dierum poterit pertinere Et ad majorem securitatem ego Willelmus de Fedreth pro me et heredibus meis et assignatis ego vero Cristina de Moravia uxor ejusdem pro me et heredibus meis et assignatis de expressa voluntate et consensu dicti Willelmi domini mei et nos ambo simul tactis sacrosanctis evangeliis corporale prestitimus juramentum de nunquam veniendo in contrarium In cujus rei testimonium sigilla nostra presenti carte sunt appensa Datum apud Kinedor in Moravia die martis proximo ante festum apostolorum Symonis et Jude anno Domini MCC nonagesimo quarto Testibus magistris Willelmo de Creswell cancellario et Johanne archidiacono Moraviensi Rogero de Inuernes officiali dicti domini Episcopi Hugone prebendario del Moy Michaele de Migill et Johanne cissore armigeris dicti domini Episcopi et multis aliis