Charter Document - 07410129
| Charter Number: | 07410129 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1253 - 1298 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus hoc scriptum visuris vel audituris Petrus filius quondam Johannis filii Alicie de Lynlithku salutem in Domino sempiternam Noverit universitas vestra me concessisse vendidisse et titulo venditionis perpetuo tradidisse venerabili patri domino Archebaldo Dei gratia episcopo Moraviensi nomine ecclesie sue Moraviensis totam illam terram meam quam habui infra villam de Suthbueryc cum omnibus edificiis in eadem constitutis et singulis pertinentiis suis libertatibus et aysiamentis sine aliquo retine mento una cum omni jure et clameo quod habui in eadem centum libris sterlingorum legalium quas idem Episcopus in summa necessitate mea per manibus plene numeravit et tradidit de qua me teneo bene pagatim et quietum attendens in hoc meam utilitatem fuisse factam que quidem terra jacet super le Nyffe in longum et in latum inter terram Roberti de Kingorn ex parte aquilonali et terram Adam de Seleby ex parte australi quam vero terram habui ex dono et collatione patris mei predicti et ad vendendum obtuli in tolbotha de Suthbervyc ad tria placita capitalia secundum legem et assisam burgi Tenendam et habendam dicto Episcopo et ecclesie sue Moraviensi sive assignatis suis inperpetuum libere quiete plenaria et honorifice et pacifice Reddendo inde singulis annis domino Regi pro omni servitio consuetudine exactione et demanda secularibus ad consuetos terminos burgi vii denarios et obolum In cujus rei testimonium presenti scripto sigillum meum apposui Testibus []