Charter Document - 07410128
| Charter Number: | 07410128 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1253 - 1298 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Augustinus dominus de Inueralian in Strathspe filius quondam Roberti Augustini eternam in Domino salutem Noveritis universi quod cum controversia mota esset inter venerabilem patrem Archebaldum Moraviensem episcopum nomine ecclesie sue Moraviensis ex parte una et me ex altera super quadam particula terre mee que vocatur Fanymarthach quam quidem terram idem Episcopus afferebat ad terram suam de Fynlarg pertinere tandem pro bono pacis et pro salute anime mee et pro animabus patris mei et matris mee et antecessorum et heredum meorum dedi et concessi et hac presenti carta mea confirmavi predicto Episcopo et ecclesie Moraviensi totam predictam terram de Faynimarthach tenendam et habendam sibi et ecclesie sue inperpetuum a via regia que est subtus magnos lapides stantes ex parte occidentali et sic descendendo per vallem del Fayny directe usque ad aquam de Spee et sic transeundo versus occidentem usque ad proximum rivulum et pontem lapideum cum omnibus suis rectitudinibus aysiamentis et pertinentiis ad eandem spectantibus vel spectare valentibus in puram et perpetuam elemosinam adeo libere quiete plenaria et honorifice sicut aliqua elemosina in regno Scotie ab aliquo liberius quietius plenius et honorificentius tenetur et possidetur In cujus rei testimonium presenti scripto sigillum meum apposui Testibus []