Charter Document - 07410126

Omnibus sancte matris ecclesie filiis hoc scriptum visuris vel audituris Archebaldus Dei gratia Moraviensis episcopus salutem in Domino Noverit universitas vestra nos de voluntate et consensu Decani et capituli nostri dedisse concessisse et hac carta nostra confirmasse domino Reginaldo le Chen minori domino de Duffus et Marie sponse sue filie quondam Friskyni de Moravia et heredibus suis ex ipsis procreatis et procreandis ad feodi firmam totam terram nostram de Strathnauir Cattenensis dioecesis quam nobilis mulier domina Johanna quondam sponsa domini Friskyni de Moravia contulit nobis et ecclesie nostre Moraviensi in puram et perpetuam elemosinam ad sustentationem duorum capellanorum in eadem perpetuo ministrandorum videlicet de Langeval et Rossewal de tofftys de Dovyr de Achenedefs de Clibr Ardovyr et Cornefern cum omnibus [focariis] et aliis aysiamentis ad dictas terras pertinentibus tenendam et habendam sibi et heredibus suis supradictis de nobis et successoribus nostris adeo libere plenaria et honorifice in omnibus et per omnia sicut carta dicte domine Johanne per quam totam predictam terram nobis et ecclesie nostre Moraviensi contulit plenius testatur reddendo inde singulis annis ad canonicam de Elgyn decano et capitulo Moraviensi seu eorum certo procuratori ad hoc constituto duodecim marcas sterlingorum legalium ad duos terminos medietatem scilicet ad Pentecosten et aliam medietatem ad festum Sancti Martini in hyeme proximo sequens ad sustentationem duorum capellanorum predictorum qui in eadem ecclesia sicut predictum est ministrabunt Ad quarum etiam duodecim marcarum solutionem in supradictis terminis predictis decano et capitulo vel eorundem procuratori fideliter plene et integre et sine malo [] vel quocunque impedimento faciendam dictus Reginaldus le Chen et Maria sponsa sua dictis decano et capitulo vel eorum procuratori seipsos et heredes suos supradictos et etiam bona sua mobilia et immobilia necnon et se moventia per hanc scripturam publicam obligaverunt et predictas terras omnes de Strathnauir una cum predictis Episcopo et capitulo cum omnibus viribus suis contra omnes homines et feminas perpetuo defendent et tuebuntur cum effectu renunciantes in omnibus et singulis pro se et heredibus suis omni juris auxilio canonici et civilis privilegio fori et maxime crucesignatorum et cruce signandorum omni consuetudini et statuto omnibus literis indultis cum privilegiis a fede apostolica et a curia regia impetratis et impetrandis necnon et prohibitioni constitutioni de duabus dictis edite in concilio generali et omni excusationi defensioni personali et reali que possit obici contra istud instrumentum vel que nobis ecclesie nostre [] possit obesse et sibi et suis prodesse nihilominus subjicientes se et heredes suos quoad hoc jurisdictioni episcopi decani archidiaconi ecclesie Moraviensis qui pro tempore fuerint ut liceat eis aut uni eorum sine strepitu quocunque monitionibus tantummodo legitimis ad castrum de [] ubicumque fuerint vel etiam inveniantur per suspensionis ab ingressu ecclesie et excommunicationis majoris et interdicti in terras eorundem sententias quousque ad debitam solutionem predicte pecunie summe plenius faciendam si in ejusdem pecunie solutione cessaverint districtius compellere Et ad omnia premissa fideliter et sine fraude observanda dicti Reginaldo et sponsa sua pro se et heredibus suis in presentia nostra Decani et capituli sacramentum prestiterunt corporale In hujus rei testimonium presenti scripto sigillum nostrum una cum sigillo capituli nostri fecimus apponi cum subscriptionibus canonicorum Datum apud Kenedor in Moravia [] MCCLX nono mense maio