Charter Document - 07410125

Omnibus Christi fidelibus hoc scriptum visuris vel audituris Eva Murthac domina de Rothes salutem in Domino sempiternam Noveritis universi me divine caritatis intuitu pro salute anime mee et pro salute animarum patris mei et matris mee et omnium antecessorum meorum et heredum meorum dedisse concessisse et hac presenti carta mea confirmasse Sanctissime Trinitati et ecclesie Moraviensi ac Archibaldo episcopo et omnibus episcopis Moraviensibus sibi successuris totam terram meam de Inuerlothi per rectas divisas suas et cum omnibus justis pertinentiis suis in puram et perpetuam elemosinam Quare volo et concedo ut dictus Episcopus et successores sui episcopi Moravienses predictam terram de Inuerlothy habeant teneant et possideant ex dono meo per rectas divisas suas et cum omnibus pertinentiis suis in bosco et plano in terris et aquis et piscariis in pratis et pascuis in moris et mariscis in montibus et collibus in stagnis et molendinis in viis et semitis in libera curia et placitis et escaetis in relivio et warda et cum omnibus aliis libertatibus servitiis aisiamentis et pertinentiis ad predictam terram spectantibus adeo libere quiete plenaria et honorifice sicut aliqua terra elemosinam in regno Scotie plenius liberius quietius et honorificentius ab aliquo tenetur et possidetur salvo forinseco servitio Scoticano domini Regis quantum ad eandem terram pertinet quod predictus Episcopus et sui successores episcopi Moravienses tantummodo facient domino Regi de dicta terra Dedi etiam et quietum clamavi in omnibus et per omnia predicto domino Episcopo et omnibus episcopis Moravie sibi successuris totum jus quod habui vel habere potui in dicta terra de Inuerlothi et quod aliquis heredum meorum habere potuisset in posterum nichilo quod ratione predicte terre peti vel exigi poterit ullo unquam tempore a me vel ab aliquo heredum meorum mihi seu cuicunque dictorum heredum in posterum retento Salva tenura Thome filii quondam Johannis de Inuerlothi sibi et heredibus suis in predicta terra juxta formam in carta sua inde confecta contentam Salvis etiam domino Freskyno de Moravia et heredibus suis tribus marcis annuis sibi a me in dicta terra collatis Ego vero et heredes mei omnes predictam terram de Inuerlothi cum omnibus et singulis pertinentiis suis sicut predictum est predicte ecclesie et episcopis Moraviensibus contra omnes homines et omnes feminas warandizabimus inperpetuum et defendemus In cujus rei testimonium hoc scriptum sigilli mei appensione feci roborare Testibus domino Willelmo Dun decano Moraviensi Henrico precentore Robertus thesaurario Archibaldo Heroc archidiacono ecclesie Moraviensis domino Rogero succentore Johanne de Hollebeckis Adam de Brenhat canonicis Moraviensibus domino Willelmo priore de Urchard domino Gilberto de Roule milite tunc vicecomite de [] Thome Wisman [] thayno de Rathen [] Dufgal thayno [] Archebaldo de [] Hugone thayno [] Heyrokis Stephano filio [] Henrico capellano de Rothays [] et aliis Datum apud [] gratie MCC sexagesimo tertio Idus Aprilis