Charter Document - 07410124
| Charter Number: | 07410124 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1253 - 1298 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Archebaldus Dei gratia Moraviensis episcopus salutem in Domino Noveritis quod cum super terra de Kintarlargyn et piscaria fluminis de Thorn spectantibus ad nos et ecclesiam nostram Moraviensem mota fuisset controversia et contentio periculosa inter dominum Willelmum de Fentune militem et dominum David de Graham militem ac ejusdem David heredem Patricium quas terram nostram et piscariam dicto domino David et heredibus suis pro centum solidis annuis nobis et successoribus nostris solvendis ad feodam firmam concessimus nos de consensu et assensu Decani et capituli nostri et de voluntate dicti Patricii dicte feode firme in manibus nostris renunciantis et ad preces instantis si mas dictorum domini Willelmi et Patricii ut evitentur pericula gravia in hac parte bono pacis persuadente quia dicta firma videbatur onerosa dedisse concessisse et presenti scripto confirmasse totam terram nostram predictam ecclesie de Kyntalargyn cum pertinentiis et totali piscaria de Esse fluminis de Thorn ad dictam terram pertinente seu pertinere valente domino Willelmum de Fentoun militi et Patricio de Graham antedicto et heredibus suis vel assignatis inperpetuum pro vi marcis sterlingorum nobis et successoribus nostris annuatim semper solvendis ad duos anni terminos vide licet xx solidis per dictum dominum Willelmum et suos heredes vel assignatos et xx solidis per dictum Patricium et suos heredes vel assignatos ad festum Assumptionis beate Marie Virginis et aliis xx solidis per dictum dominum Willelmum et suos heredes vel assignatos aliis autem xx solidis per ante dictum Patricium et suos heredes seu assignatos ad festum Purificationis ejusdem ita tamen quod ad solutionem dictarum vi marcarum singulis annis nobis et successoribus nostris ipsi vel heredes sui aut assignati teneantur sive dicta terra cum pertinentiis et piscaria tantum valeat sive non et quod nullo modo presenti contractui renunciabunt Memorati vero dominus Willelmum et Patricius pro se heredibus suis et assignatis stipulatione precedente fecerunt nobis et ecclesie nostre homagium et fidelitatem jura mento interposito et in hiis scriptis promittunt pro terra et piscaria predictis Et si que scripture preter presentes et sibi consimiles et concordantes super dictis terra et piscaria confecte reperiantur viribus totaliter careant et pro nullis et supervacuis habeantur Nos insuper et successores nostri dictam terram cum pertinentiis et piscaria antedicta ipsis heredibus suis vel assignatis contra omnes homines et feminas de jure warantizabimus et perpetuo defendemus In cujus rei testimonium ei parti hujus scripture in modum cyrographi confecte que penes dictum Patricium est remansura sigillum dicti domini Episcopi una cum communi sigillo capituli sui Moraviensis est appensum alteri vero parti penes Episcopum remanenti sigillum dicti Patricii est appositum Testibus []