Charter Document - 07410122

Universis Christi fidelibus presentes literas visuris vel audituris Robertus permissione divina Rossensis episcopus et ejusdem loci Decanus judices a domino Papa delegati eternam in Domino salutem Noverit universitas vestra quod cum questio verteretur coram nobis auctoritate apostolica inter venerabilem patrem dominum Archebaldum episcopum Moraviensem et ejusdem loci capitulum ex una parte et nobilem virum dominum Johan nem Byseth ex altera super quibusdam terris videlicet una dauacha terre ecclesie de Cuneway et alia dauacha in Ros que vocatur Herchelys quas idem episcopus Moraviensis afferebat ad mensam suam episcopalem Moravie de jure pertinere et hac ratione dictas terras sibi et mense sue predicte judicialiter petebat restitui afferente vero dicto nobili viro domino Johanne Byseth dictas terras scilicet de Cunway et de Erchelys ad feudum suum de le Ard jure hereditario pertinere et hac de causa nec sibi nec mense sue adjudicari deberent seu restitui Preterea cum idem Episcopus Moraviensis coram nobis auctoritate premissa dictum nobilem virum dominum Johan nem Byseth convenisset super cana terre sue de Ard et una petra cere in quarum possessione ipse Episcopus et predecessores sui a tempore longo pacifice steterunt sicut coram nobis super hoc plenam fidem faciebat Tandem post multas altercationes tam de consensu predicti Episcopi et capituli Moraviensis quam ex mera voluntate predicti domini Johannis Byseth auctoritate apostolica nobis in hac parte commissa interveniente inter dictas partes amicabiliter lis conquievit in hunc modum videlicet quod dictus Episcopus et capitulum Moraviense pro se et successoribus suis renunciaverunt liti mote et movende de cetero super predictis terris de Cunway et de Erchelys et cana predicta de Ard nec non et dicta petra cere et quietum clamaverunt de se et successoribus suis inperpetuum totum jus et clamum in dictis terris et cana et cera supradictis quod habent vel habere poterunt in posterum Dictus vero dominus Johannes Byseth tam pro bono pacis quam pro redemptione laborum et expensarum suarum in lite faciendarum ex mera sua liberalitate dedit et concessit prefato episcopo Moraviensi et successoribus suis inperpetuum sexaginta solidos sterlingorum in terra sua de Munychoc in feudo de Ard scilicet ex parte occidentali aque percipiendos singulis annis eidem et successoribus suis per manus firmariorum quorumcunque ipsius terre vel eam tenentis seu tenentium medietatem scilicet ad Pentecosten et aliam medietatem ad festum Sancti Martini in yeme Et ad dictas donationem et concessionem fideliter inperpetuum observandas dictus dominus Johannes Biset pro se et heredibus suis corporale prestitit juramentum Nos vero in favorem utriusque partis huic amicabili compositioni auctoritate apostolica nobis commissa adjecimus ut si forte aliquis successorum predicti Episcopi Moraviensis ab hac amicabili compositione resilire voluerit predictus annuus census predicto domino Johanni Byseth et heredibus suis libere et sine contradictione qualibet revertetur Et si contingat dictum Johannem Biset vel heredes suos quod abfit contra presentem compositionem velle venire volumus et constituimus quod absque omni strepitu judiciali terra sua de le Ard interdicto supponatur donec predicto Episcopo Moraviensi et successoribus suis super predictis sexaginta solidis annuis fuerit plenius satisfactum nihilominus reservata predicto Episcopo et successoribus suis petitione sua super terris cana et petra cere prenominatis termino istius conventionis incipiente in vigilia Sancti Mathei apostoli anno gratie MCCL octavo In cujus rei testimonium huic scripto in modo cirographi confecto penes predictum Episcopum Moraviensem et suos successores residenti una cum sigillis nostris appositum est sigillum predicti domini Johannis Byset alteri vero parti penes predictum dominum Johannem Byseth remanenti una cum sigillis nostris apposita sunt sigilla predicti Episcopi et capituli Moraviensis Testibus domino Bartholomeo Flamang domino Roberto Biseth domino Willelmo Augustini dominis Laurentio et Roberto dictis Grant domino Archibaldo archidiacono Moraviensi magistro Johanne de Holbech et domino A de Brauach canonicis Moraviensibus Andree de Garyntuly clerico et multis aliis