Charter Document - 07410120
| Charter Number: | 07410120 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1226 |
| Date type: | Assigned |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri quod cum esset contentio inter Andream episcopum Moraviensem ex parte una et Walterum de Moravia filium quondam domini Hugonis de Moravia super usuario nemoris et more de Spyny et Fynrossy quod predictus Walterus dicebat antecessores suos ab antiquo optinuisse et patri suo a bone memorie domino Bricio quondam Moraviensi episcopo et heredibus suis concessum et carta sua confirmatum afferebat reddendo nomine recognitionis singulis annis dimidiam petram cere ita convenit inter eos amicabiliter volente et con sentiente capitulo Moraviensis ecclesie scilicet quod predictus Walterus et heredes sui habebunt inperpetuum sibi et salinariis usuarium predicti ne moris et more ex parte occidentali vie superioris que venit de castello de Duffus usque ad Lenenford sub hac forma quod mora utentur fodiendo ex parte vero orientali dicte vie neutrum facient predictus vero Walterus et heredes sui singulis annis pro predictis solvent episcopis Moraviensibus unam marcam sterlingorum legalium nomine re cognitionis ad Pentecosten pro omni servitio et exactione ad predictos Episcopos pertinente In horum autem firmum et indubitabile testimonium illi parti hujus scripture in modum cyrographi confecte que penes ecclesiam Moraviensem extitit apposita sunt sigilla Abbatis de Kynlos Prioris de Urchard una cum sigillo predicti Walteri et Walteri de Moravia filii quondam Willelmi de Moravia Ei vero parti quam recepit predictus Walterus appensa sunt sigilla predicti Episcopi et capituli sui cum subscriptionibus canonicorum Testibus Willelmo decano de Strathbolgin Roberto decano de Inuernys Gregorio decano de Strathspe Radulpho capellano domini Episcopi Alexandro vicecomite de Elgyn Henrico de Duglas fratre ejus Augustino de Elgyn Waltero de Ineys Roberto Hod Willelmo Wysman Andree Wysman Willelmo fratre domini Ricardi episcopi Waltero de Salleltok Archebaldo de Inuerloch Symone et Andree clericis domini Episcopi et aliis quam pluribus Actum anno gratie MCCXXVI x die Octobris