Charter Document - 07410119
| Charter Number: | 07410119 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1187 - 1203 |
| Date type: | Assigned |
| Resource Link(s): |
People of Medieval Scotland |
Charter:
Ricardus Dei gratia episcopus Moraviensis omnibus probis hominibus totius episcopatus sui clericis et laicis salutem et benedictionem Sciant presentes et futuri nos concessisse et hac carta nostra confirmasse Willelmo filio Freskyni et heredibus suis Logynauedal et le Logyndykis cum omnibus terris que [ad] predictos locos juste pertinent tenendas sibi et heredibus suis de nobis et successoribus nostris libere et quiete ab omni servitio et consuetudine que ad nos pertinent reddendo annuatim nobis et successoribus nostris unam petram cere ad festum Sancti Patricii Preter hec etiam concessimus et hac eadem carta confirmavimus Deo et ecclesie beati Petri de Duffhus et Andree persone clerico nostro et filio suo plenarium decimas ejusdem terre in perpetuam caritatis elemosinam sicut carta predecessoris nostri Symonis testatur Testibus magistro Roberto archidiacono Lamberto capellano Bricio decano Hugone Henrico clericis Rogero de Inuernys Willelmo filio Wysman Augustino de Elgyn