Charter Document - 07410113
| Charter Number: | 07410113 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1230 - 1232 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris vel audituris Andreas divina permissione Moraviensis episcopus eternam in Domino salutem Noveritis universi nos de consilio et voluntate et consensu capituli Sancte Trinitatis de Elgyn dedisse et concessisse et hac carta nostra confirmasse Deo et beato Nicholao et hospitali ejusdem sito juxta pontem de Spe ad sustentationem pauperum ibidem recipiendorum in puram et perpetuam elemosinam ecclesiam de Rothes cum omnibus justis pertinentiis suis in obventionibus oblationibus et omnibus aliis reditibus ecclesiasticis ad eam de jure spectantibus Quare volumus et concedimus ut predictum hospitale habeat et possideat predictam ecclesiam de Rothes cum omnibus pertinentiis suis in puram et perpetuam elemosinam adeo libere quiete plenaria et honorifice sicut aliquod beneficium ecclesiasticum in dyoecesi nostra liberius quietius plenius et honorificentius tenetur et possidetur salvis episcopalibus In horum autem testimonium huic scripto apposita sunt sigillum nostrum autenticum et sigillum autenticum predicti capituli cum subscriptione fratrum Testibus domino Symone decano ecclesie Moraviensis magistro Ricardo precentore Moraviensis ecclesie domino Willelmo cancellario domino Roberto thesaurario domino Ranulpho archidiacono magistris Edwardo et Willelmo Roberto Andree Johanne canonicis ejusdem ecclesie Radulpho capellano nostro Simone de Direby serviente nostro