Charter Document - 07410111
| Charter Number: | 07410111 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1235 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno Domini MCC tricesimo quinto cum esset mota controversia inter Henricus priorem et conventum Sanctiandree ex parte una et venerabilem patrem Andream episcopum et capitulum Moravie et dominam Muriel de Rothes et hospitale Sancti Nicholai juxta pontem de Spey ex altera super ecclesia de Rothes tandem tam dicti Prior et conventus de consensu venerabilis patris Willelmi Dei gratia episcopi Sanctiandree quam pars adversa pro se et successoribus suis inperpetuum ad enervandam omnem concertationis et disceptationis materiam se supposuerunt ordinationi dicti venerabilis patris Andree Dei gratia episcopi Moraviensis renunciantes utrinque omni actioni et exceptioni et omni interpellationis facte vel faciende in judicio vel extra judicium et impetratis et impetrandis super predicta ecclesia et ejus pertinentiis Ex ordinatione autem domini Episcopi concesserunt et quietum clamaverunt predicti Prior et conventus ex consensu venerabilis patris Willelmi Dei gratia episcopi Sanctiandree predicto hospitali inperpetuum totum jus quod dicebant se habere in dicta ecclesia de Rothes et ejus pertinentiis Dictus vero Andreas Dei gratia Moraviensis episcopus de consensu capituli sui et predicte Domine de Rothes et predicti hospitalis dedit et concessit tres marcas singulis annis solvendas inperpetuum de predicta ecclesia de Rothes nomine simplicis beneficii Priori et conventui Sanctiandree per manum cujus libet rectoris predicti hospitalis ad dictum hospitale scilicet viginti solidos ad festum Sancti Martini in yeme et viginti solidos ad Pentecosten proximo sequentem Ut autem hec ordinatio perpetuum obtineat robur firmitatis parti hujus scripture per modum cyrographi confecte penes Priorem et conventum Sanctiandree residenti apposita sunt sigilla dicti venerabilis patris Episcopi et capituli Moravie cum subscriptionibus eorundem et sigilla dicte Domine de Rothes et dicti hospitalis parti vero alteri penes alteram partem residenti apposita sunt sigilla venerabilis patris Episcopi et capituli Sanctiandree cum subscriptionibus fratrum Testibus capitulis antedictis Ego Henricus prior Sanctiandree subscribo Ego R subprior subscribo Ego Willelmo subscribo Ego G tertius prior subscribo Ego Johannem primus subscribo Ego Thomas subscribo Ego frater Adam subscribo Ego frater Thomas subscribo