Charter Document - 07410108
| Charter Number: | 07410108 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1232 - 1242 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Walterus de Moravia filius quondam Willelmi de Moravia salutem Noveritis universi me dedisse concessisse et hac carta mea confirmasse Deo et beato Nicholao et hospitali ejusdem sito juxta pontem de Spe ad sustentationem pauperum ibidem recipiendorum totam terram meam de Agynway scilicet unam dauacham tenendam sibi et habendam de me et heredibus meis in puram et perpetuam elemosinam per rectas divisas suas cum omnibus pertinentiis suis justis in bosco in plano in pratis in pascuis in moris in mariscis in stagnis et aquis et molendinis et omnibus aliis ad eam juste pertinentibus salva mihi et heredibus meis piscaria de Spe que ad eandem pertinet Quare volo et concedo ut predictum hospitale habeat et possideat predictam terram in puram et perpetuam elemosinam adeo libere quiete plenaria et honorifice sicut aliqua elemosina in toto regno Scotie ex dono alicujus liberius quietius plenius et honorificentius tenetur et possidetur reddendo inde singulis annis mihi et heredibus meis pro omni servitio et exactione ad nos vel ad predictam terram pertinente unam libram piperis ad Penthecosten Testibus Andree episcopo Moraviensi magistris Willelmo et Edwardo et Willelmo fratre meo canonicis Moraviensis ecclesie domino Waltero de Moravia filio quondam Hugonis de Moravia Michaele de Smalham et Roberto de Cokburn et Stephano servientibus meis