Charter Document - 07410107
| Charter Number: | 07410107 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1238 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Muriel de Rothes filia quondam Petri de Pollok omnibus amicis et hominibus suis salutem Sciant presentes et futuri me dedisse et concessisse et hac carta mea confirmasse hospitali Sancti Nicholai juxta pontem de Spe et in eodem loco servientibus et servituris ad sustentationem pauperum ad idem hospitale confluentium molendinum habendum in terra sua de Inuerorkell et stagnum habendum et aqueductum ad idem molendinum sicut habuerunt tempore confectionis hujus carte et sicut melius ibidem habere poterunt Dedi etiam et concessi et hac carta mea confirmavi eidem hospitali in puram et perpetuam elemosinam illam portionem terre que est proxima eidem versus orientem et que jacet inter Spe et proximum cundos a cruce quam ibidem feci poni usque ad aliam crucem que posita est prope aquam que vocatur Orkel et prope predictum hospitale sicut ego ipsa una cum venerabili patre domino Andree Moraviensi episcopo predictam portionem terre perambulavi salva mihi et heredibus meis et heredum meorum via tunc provisa et assignata Testibus predicto venerabili patre Moraviensi episcopo magistro Willelmo Agno officiali episcopi Moraviensis magistro Hugone de Haketon magistro Johanne de Berwic magistro Willelmo de Hoketon canonicis ecclesie Moraviensis Archebaldo et Waltero capellanis dicti Episcopi Symone persona de Dundurkus Hugone vicario de Rothes Nicholao et Henrico capellanis meis Roberto clerico domini Justiciarii Scocie David filio Jacobi Morgundi Adam filio Gospatric Hugone de Seton Hugone de Seton Willelmo de Achenbruc Actum anno gratie MCC tricesimo octavo die Sancti Nicholai