Charter Document - 07410105

Omnibus Christi fidelibus hoc scriptum visuris vel audituris Albinus Dei gratia Brechinensis episcopus ac ejusdem loci Archidiaconus judices a domino Papa delegati salutem in Domino Quanto salus animarum ex mote questionis controversia magis accenditur tanto celerius ad decisionem litis convenit properare Cum igitur inter venerabilem patrem dominum Archebaldum Dei gratia Moraviensem episcopum ex parte una et Decanum et canonicos Moravienses de dignitatibus et aliarum liberalium prebendarum ex altera super prebendarum suarum et ecclesiarum ad easdem pertinentium visitatione et morum reformatione tam decani quam aliorum canonicorum et clericorum et etiam ministrorum vicariorum capellanorum parochianorum dictarum prebendarum nec non et jurisdictione ad easdem prebendas et ecclesias pertinente suborta fuisset materia questionis tandem auctoritate apostolica nobis in hac parte commissa vocatis omnibus quos causa tangit et partibus coram nobis constitutis fuit ex parte ipsius Episcopi petitum quod cum ex diligentia pastoralis officii ad hoc teneatur de jure communi quod sibi liceat omnes ecclesias et prebendas tam de dignitatibus quam ceteras universas visitare ac secundum formam juris que ad visitationis officium spectat in eis adimplere necnon et excessus tam decani quam canonicorum universorum et singulorum et clericorum de choro et ministrorum eorundem vicariorum et capellanorum et parochianorum predictarum ecclesiarum corrigere ac eorum mores ne ipsorum sanguis de manibus requiratur libere valeat reformare et que ad jurisdictionem ordinariam pertinent inviolabiliter exercere Nos igitur auditis et intellectis totius cause meritis finem litibus imponere volentes de voluntate et consensu partium habita deliberatione diligenti et virorum prudentum communicato consilio auctoritate predicta ita duximus ordinandum ut dictus Moraviensis Episcopus et ejus successores tam ad visitationem decani et capituli quam canonicorum clericorum chori ac ministrorum vicariorum et ecclesiarum prebendalium de dignitatibus et aliarum liberalium prebendarum et ad excessuum correctionem capellanorum et parochianorum ad predictas prebendales ecclesias pertinentium ac morum reformationem liberaliter admittantur ita scilicet quod dictus Episcopus et ejus successores singulis annis pro decanatu procuratione unica sint contenti pro precentoris thesauraria archidiaconatu et pro prebenda de Spyny pro qualibet earum singulis annis unica similiter procuratione sint contenti alias vero prebendas et dignitates et omnes ecclesias ad ipsas pertinentes prout ani marum cum requirit et quotiens opus fuerit visitare non omittant et ab eis sicut convenit procurentur pro visitatione in ecclesia cathedrali facienda procuratio a capitulo non prestetur Reservatis tamen dictis decano et canonicis liberalium prebendarum omnimoda jurisdictione sua quam hactenus in prebendis suis habere consueverunt nisi in hiis casibus in quibus cause secundum canones a prelatis inferioribus ad superiores devolvuntur Excessus vero canonicorum cathedralis ecclesie qui consueverunt corrigi per decanum et capitulum per ipsos juxta ejusdem ecclesie consuetudinem hac tenus pacifice observatam et commonitionem et jussionem Episcopi et successorum suorum infra competentem terminum eis ab Episcopo vel ejus successoribus prefigendum corrigantur Alioquin Episcopus et ejus successores Deum per oculis habentes ut animarum cum requirit per censuram ecclesiasticam corrigere non omittant In hujus rei testimonium ad supra dicta omnia firmiter et inviolabiliter et perpetualiter observanda illi parti hujus scripture in modum cyrographi confecte que penes dominum Episcopum et suos successores remanet una cum sigillis nostris appositum est sigillum capituli Moraviensis cum subscriptionibus canonicorum relique vero parti que penes predictos Decanum et canonicos remanet una cum sigillo dicti Episcopi sigilla nostra fecimus apponi Actum apud Munros pridie Kalendas Maii anno Domini MCCLX