Charter Document - 07410103
| Charter Number: | 07410103 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1253 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris vel audituris Archebaldum permissione divina Moraviensis episcopus salutem eternam in Domino cum capitulum ecclesie Moraviensis propter causas diversas et negotia eandem ecclesiam tangentia sit ere onerata alieno et pro eo quod ex evidenti utilitate ipsius ecclesie magistro Matheo de Urbe scriptori domini Pape decem marcas annuas liberaliter concessit nos relevationi ejusdem et indemnitati providere cupientes volente et consentiente expresse Willelmo de Elgyn prebendario de Kinguscy et se ad istius ordinationis nostre observationem pro se sibique successuris juramento corporaliter prestito astringente volumus et statuendo concedimus et ordinamus ut predictum capitulum percipiat et habeat singulis annis in festo Sancti Johannis Baptiste in tota vita prefati magistri Mathei xx marcas de decimis garbarum de Kingussy et del Inche percipiendas per manus predicti Willelmo vel cujus libet prebendarii in eadem prebenda instituti vel procuratorum eorundem etiam ut predictus Willelmo et prebendarii de Kingussy eidem successuri solvant singulis annis in supradicto festo procuratori predicti capituli unam marcam sterlingorum ad expensas faciendas circa missionem dicte pecunie apud Berewik ita quod fit in optione dicti Willelmi et successorum suorum unam marcam singulis annis solvere vel propriis sumptibus et periculo dictam summam xx marcarum apud Berewic ut premissum est deferre Volumus etiam et concedimus volente et annuente predicto capitulo nos et successores nostros teneri et obligari ad satisfaciendum predicto capitulo de predicta summa annua xx marcarum termino predicto et ad observandum indemne predictum capitulum in omnibus et per omnia si et aliquo casu contingente idem capitulum vel procurator ejusdem de decimis supradictis per manus prebendariorum vel procuratorum eorundem optinere non poterit hoc pro nobis et successoribus nostris omni exceptione et juris remedio civilis vel canonici remotis fideliter promittimus In cujus rei testimonium una cum sigillo nostro huic scripto appensum est sigillum dicti Willelmi Actum anno gratie MCCLIII x Kalendas Decembris