Charter Document - 07410099
| Charter Number: | 07410099 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1249 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri quod orta dudum controversia inter venerabilem patrem Symone episcopum Moraviensem ex parte una et Freskynum de Moravia dominum de Duffus ex altera super usuario nemoris et more de Spyny et de Fynroffy et eorundem nemoris et more pastura necnon super terra que vocatur Logynhauedale sopita est tandem in hac forma videlicet quod predictus Episcopus predicto Freskyno et heredibus suis concessit usuarium nemoris et more predictorum tenendum sibi secundum formam compositionis olim facte super eodem usuario inter Andream bone memorie predecessorem suum et Walterum de Moravia dicti Freskyni genitorem sicut in scriptura cyrographata super eadem compositione inde confecta plenius continetur Concessit etiam dictus Episcopus dicto Freskyno et heredibus suis pasture communem infra divisas sive terminos in predicte scripture compositione contentos plenius et nominatos tenendam sibi et [fallaris] de memorato Episcopo et successoribus suis Concessit etiam idem Episcopus predicto Freskyno et heredibus suis terram de Logyn supradictam tenendam sibi et habendam de predicto Episcopo et successoribus suis sicut carte quorundam predecessorum ipsius Episcopi proavo et atavo dicti Freskyni et heredibus eorum super dicta terra de Logyn confecte plenius continent et testantur Dictus vero Freskynus pro hac concessione dicto Episcopo et successoribus suis dedit et concessit communem in pastura sua et nemore suo supradicte terre de Finrossy vicinis usque Saltecot que est inter Finrossy et Kintray tenendam et habendam dicto Episcopo et successoribus suis et hominibus sive tenentibus eorum in dicta terra de Finrossy manentibus et mansuris de predicto Freskyno et heredibus suis in liberam et quietam elemosinam ab omni servitio exactione et demanda Utraque vero partium renunciavit cartis et cyrographis et scripturis omnibus per quas presens compositio sive supradicte concessiones possent revocari vel impugnari illis duntaxat exceptis de quibus superius In premissorum autem testimonium huic scripture in modum cyrographi confecte apposita sunt sigilla partium videlicet illi parti que remanet penes predictum Freskynum sigillum dicti Episcopi est appensum alteri vero parti que penes predictum Episcopum remanet appositum est sigillum dicti Freskyni Testibus domino Andree decano Moraviensi domino Michaelis de Monte alto magistro Johanne de Hedon precentore Moraviensi Thome Wysman Roberto Nigro burgensi de Elgyn Ferg de Ardrossan et multis aliis Actum anno gratie MCCXLVIII die Sancti Cuthberti apud Elgyn