Charter Document - 07410098
| Charter Number: | 07410098 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1244 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Robertus Fyndoc de Elgyn salutem Noveritis universi me de voluntate et consensu Alexandri filii mei et heredis et aliorum filiorum meorum et heredum suorum vendidisse capitulo Moraviensi pro quatuor marcis et dimidia quas idem capitulum mihi solvit per manibus totum plenarium toftum meum cum crofto quod habeo in burgo de Elgyn extra portam orientalem quod jacet infra toftum Alexandri de North et terram quam Andreas Moraviensis quondam episcopus emit de Willelmo ortalano tenendum et habendum dicto capitulo inperpetuum de me et heredibus meis adeo libere quiete plenaria et honorifice sicut aliquod burgagium in regno Scotie ab aliquo liberius quietius plenius et honorificentius tenetur et possidetur reddendo inde singulis annis mihi et heredibus meis pro omni servitio consuetudine consilio exactione et demanda et omnibus aliis que exigi poterunt ratione predicte terre a me et heredibus meis inperpetuum duos foli dos medietatem ad Pentecosten et aliam medietatem ad festum Sancti Martini in hyeme proxime sequens Ego autem Robertus et heredes mei predictam terram warantizabimus predicto capitulo contra omnes et omnes clamantes In hujus rei testimonium huic scripto sigillum meum una cum communi sigillo de Elgyn feci apponi Actum anno gratie MCCXLIIII mense Julii Testibus domino Andree Wysman Thome Wysman Warino Hayrock Hugone fratre ejus Johanne de Inverloch Alexandro filio Johannis Roberto filio Alicie et multis aliis