Charter Document - 07410095
| Charter Number: | 07410095 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1223 - 1242 |
| Date type: | Assigned |
| Resource Link(s): |
People of Medieval Scotland |
Charter:
Walterus de Moravia miles omnibus amicis suis et hominibus salutem Sciant presentes et futuri me dedisse concessisse et hac presenti carta mea confirmasse Deo et ecclesie Sancte Trinitatis de Elgyn in puram et perpetuam elemosinam ad sustentationem fabrice ejusdem ecclesie inperpetuum ecclesiam de Inueralien cum omnibus justis pertinentiis suis Quare volo et concedo ut capitulum predicte ecclesie de Elgyn teneat et possideat predictam ecclesiam de Inueralyen ad fabricam dicte ecclesie de Elgyn inperpetuum adeo libere et quiete plenaria et honorifice sicut aliqua ecclesia in toto regno Scotie ab aliquo capitulo liberius quietius plenius et honorificentius tenetur et possidetur Testibus Andree episcopo Moraviensi Comite de Ros domino Symone vicario de Dundurkus domino Radulpho capellano episcopi Moraviensis Alexandro vicecomite de Elgyn Symone de Hogeston Henrico templario et aliis