Charter Document - 07410090

Cum ecclesie Moraviensi debita sepe deessent ministeria eo quod ministri ipsius horis canonicis et missarum celebrationibus multotiens non intererant ut debebant ne hujusmodi defectus diutius remaneret incorrectus de provisione et ordinatione capituli prestiterunt omnes vicarii predicte ecclesie et singuli corporale juramentum quod obedientes erunt decano memorate ecclesie et ejus capitulo et qui absente decano vices ipsius gesserit Et si forte ea que ad officium vicariorum pertinent nulla canonica prepeditione excusati non compleverint penas statutas a capitulo infligendas vicariis pro suis excessibus et omissionibus secundum eorum exigentias et qualitates a sub decano qui absente decano preesse debet vicariis et rectoribus in ecclesia eorundem penas ipsis injunctas juxta formam ordinationis capituli inferius scriptam recipient humiliter et perficient Idem etiam juramentum prestabit quilibet qui in dicta ecclesia vicarius esse voluerit in sua admissione Subdecanus vero cui hujusmodi penas infligere incumbit similiter hujusmodi juramento astrictus est quod curam geret diligentem de predictis vicariis et defectibus et omissionibus eorundem et penas memoratas prout ordinatum est a capitulo et infra notatum est eis sine acceptatione personarum nulli parcendo ob favorem vel gratiam vel alia quacunque causa infliget cum hoc exigerent defectus eorundem et hoc juramentum prestabit quilibet ante suam installationem qui in posterum fieri decanus debebit De penis autem vicariorum ita provisum est quotienscunque vicarius matutinis vel majori misse diebus ferialibus non interfuerit injungetur ei a sub decano ut eodem die priusquam fumat alimentum psalterium psallat integraliter quod si tam matutinis quam misse majori defuerit ipsam penam subibit duplicatam si vero misse beate Marie vel misse que celebratur in capitulo vel horis canonicis uni vel pluribus defuerit pro qualibet hujusmodi missa vel hora unam disciplinam a sub decano eodem die in capitulo prostratus recipiet quod si in festis ix lectionum matutinis vel majori misse defuerit quia tunc magis omittendo delinquit augebitur ei pena ita videlicet quod quolibet psalterio quod psallendum est pro defectis habitis diebus ferialibus pro eisdem in festis ix lectionum contingentibus una disciplina adjungatur cuilibet autem discipline que ferialibus diebus pro defectibus canonicarum horarum et missarum Sancte Marie et de capitulo debetur pro eisdem defectibus cum in festis ix lectionum conti gerit decantatio vij psalmorum debet adjungi Idem autem judicium quod de matutinis quam ferialibus quam festis diebus habetur et de vesperis habendum erit et completorio in xl Canonici vero aliorum vices gerentes qui ad continuam tenentur residentiam et alii qui non habentes vicarium pro semetipsis ministrant personaliter quando vicarium psalterium psallere debent ut predictum est unum nocturnum psallere de psalterio vel se vel per per interpositam personam vel tres pauperes pascet eodem die Nulla vero pena corporalis pro omissionibus et defectibus suprane moratis canonicis infligetur quia juxta canonicas et legitimas assertiones majores minoribus in penis non debent esse pares Eandem autem penam subibit qui ad missas et horas canonicas tempore congruo chorum non intraverit quam si eisdem omnino defuerit juxta prescriptam ordinationem subire debet Tempus quidem premisse non incongruum est intrandi chorum ad matutinas et ad omnes horas que in inceptione sui ympnos habent donec ympnus terminetur ad vesperas vero usque ad quartum vel quintum ver siculum primi psalmi et ad completorium similiter ad missam quidem usque ad primam collectam De habitu autem quo omnes frequentantes chorum uti debent nigris et superpelliciis et injunctum est vicariis illis maxime quibus ministrantibus pro canonicis idem canonici suis sumptibus hujusmodi habitum inveniunt sub debito prestiti ab eis juramenti ut ipso habitu nusquam nisi in obsequiis divinis et ecclesiasticis sive de die sive de nocte uti presumant neque extra fines ambitus domorum canonicorum ipsum deferre audeant sed cum ecclesiam egressi fuerint perfectis debitis ministeriis ecclesie fuerint reversuri ad ecclesiam habitum supradictum exuant et in loco mundo et honesto reponant et hoc moderamine habitus divino cultui dedicatus ab illicitis usibus et maculis et sordibus immunis fervetur et mundus et idem injungetur cuilibet qui in posterum vicarius fieri debebit si autem vicarius aliquis contra hoc fecerit cum de hoc claruerit tanquam perjurii crimine reus graviori crimine reus graviori discipline subjacebit Item statutum est ne vicarii tabernas intrent ad potandum in cetu sicut moris est quibusdam laycis quia et hoc contra honestatem clericalem existit et ipsum sacri canones detestantur qui autem contravenire repertus fuerit et in eo puniatur in quo deliquit injungetur ei a sub decano ut in crastino illius diei quo hoc contigerit a cervisia et omni poculo quod inebriare potest abstineat sine differentia dierum Item statutum est ut canonicus qui secreta capituli revelaverit cum de hoc convictus fuerit eo quod juramentum suum fecerit et excommunicationis sententiam generalem in omnes de tectores secretorum capituli latam incurrerit et sic beneficio ecclesiastico indignum se reddiderit prebende sue amissione multetur Actum anno gratie MCCXXXVIII iii Nonas Martii Ego Andreas episcopus Moraviensis et canonicus de Fotheruays subscribo Ego Willelmo precentor subscribo Ego Willelmo archidiaconus subscribo Ego Johannes succentor subscribo Ego Robertus thesaurarius subscribo Ego Robertus canonicus de Duppol subscribo Ego Andreas canonicus de Abyrlouer subscribo Ego Johannes de Hedon canonicus subscribo Ego Hugo canonicus de Petyn subscribo Ego Willelmus canonicus de Erryn subscribo Ego Willelmus canonicus de Kinguscy subscribo Ego Johannes canonicus de Advyn subscribo Ego Subdecanus Ego Edwardus canonicus del Moy subscribo