Charter Document - 07410088
| Charter Number: | 07410088 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1236 - 1237 |
| Date type: | Internal, A.D. |
| Resource Link(s): |
People of Medieval Scotland |
Charter:
Hec est amicabilis compositio facta auctoritate judicum delegatorum a domino Papa inter dominum Andream episcopum Moraviensem et dominum Gylbertum Aberdonensem episcopum in causa que vertitur inter eos super jure dyoecesano ecclesiarum de Dauendor et Forscauen et super capella de Inuerculan que petitur ut ecclesia et aliis in editione Episcopi Moraviensis contentis videlicet quod uterque de voluntate et consensu capituli sui renunciavit liti mote et movende in vita dictorum Episcoporum super jure dyoecesano utrumque Episcopum contingente Salvo jure utrumque Episcopum contingente post mortem dictorum Episcoporum In cujus rei testimonium alter alterius scripto sigillum suum una cum sigillis dictorum judicum delegatorum apposuit Testibus magistro Willelmo de Rokesburg domino Jurdano canonico ecclesie Aberdonensis domino Philippo persona de Glenberuin Fratre Galfrido predicatore Thome canonico de Kambekynel Willelmo persona de Fetherner Johanne vicario de Fyuerner et multis aliis Actum anno gratie MCCXXXVI