Charter Document - 07410087
| Charter Number: | 07410087 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1235 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri quod cum Walterus de Moravia filius quondam Willelmi de Moravia in generali capitulo habito apud Elgyn per sententiam optinuisset possessionem terre de Ewen que dicitur terra ecclesie ejusdem loci et Andreas Moraviensis episcopus eundem Walterum super predicta terra convenire decrevisset tandem de voluntate et consensu decani et capituli per amicabilem compositionem convenit inter partes ita scilicet quod predictus Walterus et heredes sui tenebunt ad perpetuam feodi firmam de predicto Episcopo et successoribus suis predictam terram de Ewen per suas rectas divisas et cum omnibus justis pertinentiis suis reddendo inde annuatim predicto Episcopo et successoribus suis xx solidos sterlingorum legalium pro omni servitio et demanda ad eosdem pertinente medietatem scilicet ad festum Sancti Martini in hyeme et aliam medietatem ad Pentecosten proximo sequentem et faciendo forinsecum servitium domini Regis ad predictam terram pertinens Idem etiam Episcopus de voluntate decani et consensu capituli dedit et concessit predicto Waltero et heredibus suis in perpetuam feodam firmam totam terram suam de Budist per suas rectas divisas et cum omnibus justis pertinentiis suis habendam sibi et tenendam liberam et quietam ab omni servitio et demanda ad dictum Episcopum vel successores suos pertinente reddendo inde annuatim predicto Episcopo et successoribus suis duas marcas sterlingorum legalium medietatem scilicet ad festum Sancti Martini in hyeme et aliam medietatem ad Pentecosten proximo sequentem faciendo forinsecum fer vitium domini Regis quod ad predictam terram pertinet Decidet autem de predictis firmis juxta arbitrium boni viri quotiens per guerram contigerit predictas firmas de predictis terris plene non posse persolvi Convenit autem quod dyoecesanus episcopus predictum Walterum et heredes suos omnes per censuram ecclesiasticam et aliis quibuscunque modis legitimis voluerit compellere possit ad predictorum omnium observationem omni occasione appellatione et contradictione remotis Convenit etiam quod quotienscunque predictus Walterus vel aliquis heredum suorum contra predictas conventiones venire presumpserit capitulo Sancte Trinitatis de Elgyn nomine pene xl solidos solvere teneatur predictis conventionibus nihilominus per omnia observandis In premissorum autem firmum et indubitabile testimonium illi parti hujus scripture in modum cyrographi confecte que penes episcopum Moraviensem remanebit appensum est sigillum predicti Walteri de Moravia illi vero parti que penes predictum Walterum remanebit una cum sigillo Episcopi Moraviensis appensum est sigillum capituli cum subscriptionibus canonicorum Testibus domino Fercardo comite de Ros domino Waltero de Duffus domino Waltero de Ineys Andree Wisman Wil lelmo camerario Symone de Orreby Thome dispensatore episcopi Moraviensis et multis aliis Actum anno gratie MCCXXXV vii Idus Augusti