Charter Document - 07410086

Hec est conventio facta inter capitulum Moraviense ex parte una et nobilem virum dominum Alexandrum de Striuelyn ex alia scilicet quod predictus Alexander et heredes sui si quos habuerit de sponsa sua scilicet filia bone memorie nobilis viri domini Freskyni de Kerdal tenebunt ad feodi firmam de predicto capitulo dimidiam dauacham terre quam habent apud Deveth et pertinentem ad ecclesiam ejusdem loci reddendo inde predicto capitulo ad communem suam singulis annis duas marcas pro omni servitio et demanda ad predictum capitulum pertinentibus medietatem scilicet ad Pentecosten et aliam medietatem ad festum Sancti Martini in hyeme proximo sequens faciendo forinsecum servitium ad predictam terram pertinens Quotienscunque contra predictam conventionem ab alterutro eorum ventum fuerit contraveniens dabit nomine pene ad fabricam ecclesie cathedralis xx solidos manente nihilominus eadem conventione et perpetuo observanda In premissorum autem firmum et indubitabile testimonium ei parti hujus scripture in modum cyrographi confecte que penes predictum nobilem virum Alexandrum remanebit una cum sigillo domini Andree episcopi Moraviensis appensum est sigillum capituli Moraviensis cum subscriptionibus canonicorum illi vero parti que penes capitulum Moraviense remanebit una cum sigillo nobilis viri domini Walteri Cumyn comitis de Mynetehc appensum est sigillum prenominati nobilis viri domini Alexandri de Striuelyn cum eorum testimonio qui interfuerunt scilicet domini Fearchar comitis de Ross et domini Michaelis de Alto monte vicecomitis de Inuernys Willelmi Prath domini Alexandri Ruffi domini Merlesueyni Fercardi senescalli de Badenach Edwardi senescalli de Lochabyr Johannis et Johannis clericorum Episcopi et aliorum Actum anno gratie MCCXXXIIIJ